ជីវិតកាន់តែ High Show មានដំណឹង ហង្ស ឈា ហក់ទៅរស់នៅក្នុងប្លុកអភិជនដែលមានផ្ទះតែ ១១គត់

2022-04-01 04:15:28
ព័ត៌មាន

2022-04-01 04:15:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ហង្ស ឈា ដែលគេដឹងថា បាន និងកំពុងរស់នៅលើទឹកដីមហាអំណាចលេខ១ នាមជាពាណិជ្ជកម្មធុនកណ្ដាលមួយរូបនោះ ឥឡូវ បានផ្លាស់ប្ដូរជីវិតកាន់តែ High Show ថែមទៀត ក្រោយមានដំណឹងថា លោកបានផ្លាស់ទៅរស់នៅក្នុងតំបន់អភិជនមួយដែលក្នុងនោះមានលំនៅដ្ឋានតែ១១ប៉ុណ្ណោះ។

ប្រភពពីពលរដ្ឋខ្មែរ-អាមេរិកាំងម្នាក់ ដែលរស់នៅមិនឆ្ងាយប៉ុន្មានពីតារាប្រុសកូន៣ បានខ្សឹបប្រាប់ថា ហង្ស ឈា ដើមឡើយរស់នៅក្នុងលំនៅដ្ឋានធម្មតាមួយកន្លែងស្ថិតក្នុងទីក្រុង Lynn រដ្ឋម៉ាស្សាឈូសេត។ ប៉ុន្តែថ្មីៗនេះបានចាកចេញពីនោះហើយ ហើយទៅរស់នៅទីកន្លែងថ្មីមួយទៀតក្នុងតំបន់នោះដែរ។ “ផ្ទះចាស់របស់គេនោះ លឺថាលក់ហើយ ហើយទៅនៅផ្ទះថ្មី ស្ថិតនៅលើភ្នំ និយាយទៅសុទ្ធតែអ្នកមានជីវភាព High Show អ្នកនៅទីនោះ"។ ប្រភពថ្លែង។

ទន្ទឹមនឹងការបង្ហើបពីប្រភពនៅមិនឆ្ងាយ នៅលើហ្វេសប៊ុកឯណេះ គេក៏ឃើញលោក ហង្ស ឈា ក៏បានបង្ហាញតម្រុយជារឿយៗ ក្នុងនោះ គេឧស្សាហ៍ឃើញលោក បង្ហោះរូបក្នុងផ្ទះមួយកន្លែង ដែលមិនមែនជាទិដ្ឋភាពក្នុងផ្ទះដែលលោកធ្លាប់បង្ហាញពីមុនៗមកទេ។ មិនត្រឹមប៉ុណ្ណឹង ទិដ្ឋភាពខាងក្នុងផ្ទះនោះទៀតសោត មានការតុបតែងតាំងលម្អដោយគ្រឿងសង្ហារិមប្រណិតៗ និងមានតម្លៃថ្លៃៗ ដែលគេអាចកាត់ស្មានថា នោះមិនមែនជាប្រភេទលំនៅដ្ឋានធម្មតាៗនោះទេ។

ជុំវិញបញ្ហានេះ សាមីខ្លួនលោក ហង្ស ឈា តាមរយៈសារអេឡិចត្រូនិក បានប្រាប់ថា នោះគឺជាគេហដ្ឋានថ្មីរបស់លោកមែន ដោយលោក និងគ្រួសារបានផ្លាស់មករស់នៅបានជាង ១ខែហើយ។ លោកបានលក់ផ្ទះចាស់ក្នុងតម្លៃមួយដែលសុំមិនបញ្ចេញ ហើយថែមលុយមួយចំនួនមកទិញនៅលើភ្នំដែលស្ថិតនៅក្នុងតំបន់ជាមួយគ្នានឹងផ្ទះចាស់ដែរ តែស្អាតជាង និងមានផាសុកភាពជាង។

ផ្ទះនេះ លោកទិញ និងបានកុម្មង់ការសាងសង់តាមគំនិតរបស់លោក ដោយចំណាយពេលប្រមាណជិត១ឆ្នាំ ទើបនឹងបានចូលនៅថ្មីៗនេះ យ៉ាងណា អ្វីៗមិនទាន់ស្រេចបាច់នោះទេ។ "អត់រួចរាល់១០០% ទេ ដូចនៅខាងមុខផ្ទះ សួនអត់ទាន់រៀប ថ្នាំក៏អត់ទាន់លាបផង ដោយសារខែនេះវាត្រជាក់ អីចឹងជាងអត់ទាន់លាភ ព្រោះបើលាភថ្នាំនឹងទៅជាកកខូចអស់ អីចឹងទាល់តែខ្ទង់ខែ ៥-៦ អាកាសធាតុរាងក្ដៅវិញបានចាប់ផ្ដើមលាភ "។

ត្បិតថា បានទទួលស្គាល់ពីការផ្លាស់ប្ដូរស្ថានភាពរស់នៅមកតំបន់មួយដែលមានកម្រិតប្រសើរជាងឆ្ងាយ ប៉ុន្តែលោកបានបដិសេធន៍ក្នុងការអធិប្បាយទៅលើកញ្ចប់ថវិកាចំណាយលើផ្ទះនេះ។ តែយ៉ាងនេះក្ដី ប្រភពពីជិតខាងដដែល បង្ហើបថា តំបន់ថ្មីដែល ហង្ស ឈា មកតាំងលំនៅនេះ គឺលំដាប់អភិជន នៅទីនោះ មានផ្ទះតែ ១១ផ្ទះគត់។

ចំពោះតម្លៃគេមិនច្បាស់ ១០០% ទេ តែអ្វីដែលគេដឹងនោះ លំនៅដ្ឋានទាំងនោះ មិនមានតម្លៃក្រោម១លានដុល្លារអាមេរិកនោះឡើយ។

ហង្សឈា ត្រូវបានគេដឹងថា លោកជាពាណិជ្ជករមួយរូបនៅសហរដ្ឋអាមេរិក ដោយមានជំនួញ២ក្នុងដៃ ទី១អាជីវកម្មផ្នែកភេសជ្ជៈយីហោ Boba Tea ដែលពង្រីកបានជាច្រើនសាខា និងក្រុមហ៊ុនផ្គត់ផ្គង់កម្លាំងពលកម្ម។

អាជីវកម្មទាំងពីរផ្ដើមមានការល្អតាំងពីកូវីដ១៩ ស្ថិតក្នុងការគ្រប់គ្រងបាន ពិសេសពេលដែលកូនស្រីពៅ ហង្ស ពេជ្រនិលលី បានមកតាំងគភ័ក្នុងផ្ទៃម្ដាយ។ ហង្ស ឈា ថា តាំងពីការមកដល់របស់កូនពៅ រូបនេះ អ្វីៗស្រស់បំព្រងដូចផ្កា ពោលគឺធ្វើអ្វី គិតអ្វី តែងបានផលល្អដូចចិត្ត៕