ជឿជាក់ថាមហាជនប្រាកដជាបានស្គាល់ហើយពី Influencer ដ៏មានប្រជាប្រិយភាពនាពេលបច្ចុប្បន្ន ឆាឆា តាមរយៈសមត្ថភាព ធ្វើវីដអូកំប្លែងប្លែកៗជាច្រើន ដែលឆក់យកភាពល្បីល្បាញពីអ្នកគាំទ្រមិនតិចនាក់នោះទេ។

គ្រប់គ្នាធ្លាប់តែបានឃើញពីកាតុបតែងខ្លួនស្អាតប្លែកៗ ជាមួយនឹងវីដេអូកំប្លែងស្ងួតរបស់ ឆាឆា ប៉ុន្តែសម្រាប់លើកនេះ Sabay សូមធ្វើការទម្លាយរឿងពិតម្យ៉ាងដែលគ្រប់គ្នាមិនធ្លាប់បានដឹងពី Influencer រូបនេះពីមុនមក។

តាមរយៈផ្ដល់បទសម្ភាស ឆាឆា បង្ហើបប្រាប់មកកាន់ Sabay កាលពីថ្មីៗនេះពាក់ព័ន្ធជាមួយឈ្មោះពិត របស់លោកឈ្មោះ ឆាឆា នេះគ្រាន់តែឈ្មោះហៅក្រៅ ក៏ដូចជាឈ្មោះដែលធ្វើឱ្យហាជនស្គាល់កើនច្រើនជាលំដាប់។ ចំណែកឈ្មោះក្នុងបញ្ជីកំណើតនោះមានឈ្មោះថា គាំ ស័ក្ដវិជ្ជា។

ទន្ទឹមនឹងនេះ ឆាឆា ក៏បានបន្ថែមថាថ្មីៗខាងមុខនេះនឹងមានអ្វីដែលថ្មីប្លែកអារម្មណ៍ ដែលជាសមិទ្ធផលថ្មីសម្រាប់បម្រើទស្សនីយភាពរបស់អ្នកគាំទ្រ ក៏ដូចជាមហាជន៕