នៅថ្ងៃទី ១១ ខែឧសភា ឆ្នាំ២០២២ កំពូលតារា​សម្ដែង​ស្រី​ Bella Ranee បាន​ចូលរួមកម្មវិធី​ "BENICE NATURAL SKIN TREATMENT SERIES" ដែលទទួល​បាន​ការ​ចាប់អារម្មណ៍ខ្លាំង។ ឆ្លៀតក្នុងពេល​នោះ​ នាង​ក៏បានផ្ដល់បទសម្ភាស ដល់ក្រុមអ្នកកាសែត ដែល​ចង់ជជីកសួរពាក់ព័ន្ធ​នឹង​ចចាមអារ៉ាមស្នេហារបស់នាងថ្មីៗនេះដែរជាមួយនឹង​ Kongthap Peak។

សំណួរដំបូងនោះគឺ គ្រប់គ្នាពិតជាចង់ដឹងណាស់ ថាតើ Bella Ranee បាន​ទៅ​ក្រុង អយុធ្យា ឬអត់កាលពីពេលថ្មីៗ?

Bella៖ «ខ្ញុំអត់បាន​ទៅទេ (សើច) មានពេល​ឯណាទៅកើត? ខ្ញុំក៏បានឃើញព័ត៌មាន​ដែរ ឯការពិតគឺគ្មានអីទាំងអស់។ បើគិតថាជា Belle ណា៎ នឹងប្រាប់ថា​ជាការពិតហើយ តាំងតែធ្វើការជាមួយគ្នា (ក្រុមការងារ) យើងក៏ស្និទ្ធគ្នាទាំងអស់ ទាំងម្ដាយខ្ញុំ ទាំងបងអ្នកចាត់ការ ទាំងអ្នកសម្ដែងក៏ស្និទ្ធគ្នាទាំងអស់។»

នាងបាន​បន្តថា៖ «ពេលពួកយើងឃើញព័ត៌មាន ពួកយើងក៏មិនចាត់ទុកជារឿងសំខាន់អីដែរ ព្រោះ យើងអត់បានទៅ អយុធ្យាដុចក្នុងឃ្លីបដែលគ្រប់គ្នាឃើញនោះទេ»។

ក្រុមអ្នកកាសែត៖ តើអ្នក​បាន​និយាយជាមួយនឹង Peak អត់ ពេល​ភ្លាមៗឃើញព័ត៌មាននេះ?

Bella៖ មែនទែនទៅ គឺអត់មាន​បាន​ទាក់ទងអីទាំងអស់ ពួកយើងអត់​បាន​និយាយគ្នាអីទេ។

ក្រុមអ្នកកាសែត៖ ក្រៅពី Kognthap Peak មានអ្នកសង្ស័យទៀតទៅលើ Pope ដែរ»

Bella៖ ចង់និយាយថា​ មិនបាន​ទៅ​នោះទេចា៎។

តារា​ស្រី​រូបនេះ​នៅ​បាន​បញ្ជាក់​ទៀតថា បើដល់ពេល ដល់វេលា ស្នេហានឹង​មក​ដោយឯងៗ ប៉ុន្តែបច្ចុប្បន្ននេះ នាង​មិនមានអារម្មណ៍ថា​ ធុញទ្រាន់​នោះទេ ហើយក៏គ្មានពេល​ឯកាដែរ ព្រោះពេល​ណា​ទំនេរពីការងារ គឺ​នៅផ្ទះ។ សព្វថ្ងៃនេះ​ នាង​មិនត្រូវ​ការ​អ្វី​ផ្សេង​ក្នុងជីវិតទេ ព្រោះ​នាង​សប្បាយចិត្តស្រាប់ហើយ។

ចំណែក​ស្នាដៃរឿងថ្មីរបស់នាងជាមួយនឹង Pope Thanawat នឹង​ចាក់បញ្ចាំងជាផ្លូវការនៅថ្ងៃទី ២៨ ខែកក្កដា ឆ្នាំ២០២២នេះ ស្របពេល​ផាពយន្តភាគ «បុព្វេសន្និវាស វគ្គ ២» ថតបាន​ ៣០ភាគរយហើយ៕