អាចនិយាយបានថានៅក្នុង២០២២នេះ អត្រានៃការស្លាប់ក្នុងវង្វង់សិល្បៈជប៉ុនមានកើនឡើងគួរឱ្យកត់សម្គាល់ ដោយនៅប៉ុន្មានម៉ោងមុនមានការចេញផ្សាយនៃការស្លាប់របស់តារាចម្រៀងវ័យក្មេងម្នាក់ទៀតហើយដែលបានទទួលមរណៈភាពដោយសារគ្រោះថ្នាក់ចរាចរណ៍។

គ្រោះថ្នាក់ចរាចរណ៍បានផ្ដាច់ជីវិតរបស់ក្មេងប្រុសវ័យ ១៩ឆ្នាំ ដែលជាតារាចម្រៀង Yoshi។ ពិធីបុណ្យសពរបស់តារាចម្រៀង និងជាតារាសម្តែង Yoshi (ឈ្មោះពិត: Kasumi Sasaki) ត្រូវបានប្រារព្ធឡើងនៅទីក្រុងតូក្យូកាលពីថ្ងៃទី១៤ កាលពីម្សិលមិញនេះ ពិធីបុណ្យសពរបស់ Yoshi ត្រូវបានប្រារព្ធឡើងជាលក្ខណៈឯកជន ដោយមានតែក្រុមគ្រួសារ និងមិត្តភក្តិជិតស្និទ្ធប៉ុណ្ណោះ។

តារាចម្រៀង និងជាតារាសម្ដែងប្រុស Yoshi បានជួបឧបទ្ទវហេតុហើយបានស្លាប់។ ខណៈកំពុងធ្វើដំណើរនៅផ្លូវប្រសព្វក្នុងសង្កាត់ Tama Ward ក្រុង Kawasaki Yoshi បានបុកជាមួយរថយន្តដឹកទំនិញ។ Yoshi បានរងរបួសក្បាលធ្ងន់ធ្ងរ ហើយត្រូវបានគេបញ្ជូនទៅមន្ទីរពេទ្យប៉ុន្តែ ជាអកុសលតារាប្រុសរូបនេះបានស្លាប់បាត់បង់ជីវិតបាត់ ទៅហើយ៕