- 2023-01-16 02:52:58
- ព័ត៌មាន
IU និង Lee Jong Suk ធ្លាប់ទម្លាយប្រភេទគូអនាគត លទ្ធផលទេវតាធ្វើឲ្យប្រាថ្នាបានផលដូចចិត្ត
- 2023-01-16 02:52:58
- ចំនួនមតិ 0 | ចំនួនចែករំលែក 0
IU និង Lee Jong Suk ធ្លាប់ទម្លាយប្រភេទគូអនាគត លទ្ធផលទេវតាធ្វើឲ្យប្រាថ្នាបានផលដូចចិត្ត
ចន្លោះមិនឃើញ
ព័ត៌មានស្នេហារវាងតារាចម្រៀង IU និងតារាសម្ដែង Lee Jong Suk ត្រូវបានបង្ហាញជាផ្លូវការដោយសារព័ត៌មាន Dispatch នៅថ្ងៃចុងក្រោយនៃឆ្នាំ ២០២២ ហើយក៏ក្លាយជាគូស្នេហ៍ ដែលមហាជនសម្ដែងការសាទរមុនគេនៅដើមឆ្នាំ ២០២៣ ដែរ។
ក្រោយពេលរឿងរ៉ាវរបស់ពួកគេត្រូវបានទម្លាយ អ្នកគាំទ្រក៏បានសើរើវីដេអូចាស់ៗ ពិសេសបទសម្ភាសរបស់ Lee Jong Suk ដែលបានលើកឡើងពីប្រភេទនារីដែលលោកពេញចិត្ត ហើយអ្វីដែលបានបង្ហើប ពិតជាត្រូវនឹង IU ណាស់។
«ខ្ញុំចង់ឲ្យនាង ជាមនុស្សមានប្រាជ្ញា អត់ធ្មត់ ជាអ្នកដែលខ្ញុំអាចគោរពបាន និងអាចលើសពីនេះទៀត ហើយខ្ញុំក៏សង្ឃឹមថា នាងជានារីដែលគួរឱ្យស្រឡាញ់ផងដែរ»។ នេះជាការបញ្ជាក់របស់ Lee Jong Suk។
ងាកចូល IU វិញ បើរម្លឹកទៅកាលពីបទសម្ភាសកាលពីឆ្នាំ ២០២០ IU ធ្លាប់ត្រូវបានគេសួរទាក់ទងនឹងគូអនាគត ហើយដំបូអនាងតបថានាងមិនទាន់គិតរឿងនេះរយៈពេលជាយូរមកហើយ៖ «ដូចជាយូរហើយដែរ ខ្ញុំគិតថាលើកចុងក្រោយដែលខ្ញុំខានគិតរឿងនេះ តាំងពីខ្ញុំអាយុ ២១ ឆ្នាំ! វាពិបាកបន្តិចដែរ»។
ទោះជាយ៉ាងណា IU មិនឲ្យអ្នកសួរខកចិត្តទេ ដោយបានបញ្ជាក់តបសំណួរថា៖ «ខ្ញុំគិតថា ខ្ញុំនឹងមានអាយុវែង ហើយមនុស្សម្នាក់នោះក៏គួរតែមានសុខភាពល្អ និងរស់នៅបានយូរដូចគ្នា»។
ដូច្នេះបើងាកមកមើល Lee Jong Suk ក៏ជាមនុស្សម្នាក់ដែលចូលចិត្តកីឡាដែរ ដោយលោកធ្លាប់ទាំងចូលចិត្តលេងកីឡាគុនដាវទៀតផង មិនសូវជាចូលចិត្តនៅស្ងៀមប៉ុន្មានទេ។
សរុបជារួម និស្ស័យក៏បានទាញដៃពួកគេឲ្យបានកាន់គ្នា និងថែមទាំងក្លាយជាគូស្នេហ៍នឹងគ្នា។ គ្រប់យ៉ាងពុំមែនជាការរៀបចំ ហើយរឹតតែមិនអាចបដិសេធបាន នោះគឺពួកគេពិតជាកើតមក ដើម្បីក្លាយជាគូនឹងគ្នាមែន៕
