- 2023-07-20 08:32:36
- ចម្រៀង
សួ វិចិត្រ អង្វរចិត្ដម្ចាស់កម្មវិធី ដោយខ្លាចខ្លួនឯងជ្រុះបាត់ឱកាសកើបលុយច្រើនពេក!
- 2023-07-20 08:32:36
- ចំនួនមតិ 0 | ចំនួនចែករំលែក 0
សួ វិចិត្រ អង្វរចិត្ដម្ចាស់កម្មវិធី ដោយខ្លាចខ្លួនឯងជ្រុះបាត់ឱកាសកើបលុយច្រើនពេក!
ចន្លោះមិនឃើញ
ម្ចាស់ពាន Beat The Best Cambodia សួ វិចិត្រ កំពុងមានទីផ្សារសិល្បៈខ្លាំង ខណៈដែលលោកជាប់កុងត្រាច្រៀងឲ្យហង្សមាសផង និងមានឱកាសចេញច្រៀងតាមកម្មវិធីផ្សេងៗផង។ នៅថ្ងៃទី២០ ខែកក្កដា ឆ្នាំ២០២៣ នេះ វិចិត្រ បានទម្លាយតាមបណ្ដាញសង្គមថា កម្មវិធីខ្លះជាប់ថ្ងៃគ្នាធ្វើឲ្យលោកមិនអាចរត់រួច។
តារាចម្រៀងមកពីខេត្ដពោធិ៍សាត់រូបនេះ បានជូនពរក្រុមការងារ និងខ្លួនឯងឲ្យមានសុខភាពល្អ ហើយកុំឲ្យជាន់កម្មវិធីគ្នាច្រើនពេក ព្រោះលោកស្ដាយលុយណាស់។ លោកនិយាយថា៖ “សូមទេពតាអង្វរចិត្ដម្ចាស់កម្មវិធី ធ្វើកម្មវិធីនៅថ្ងៃខុសៗគ្នាទាំងអស់…យេៗៗៗ”។
សួ វិចិត្រ នៅតែអាចទាញយកបេះដូងមហាជនតាមរយៈបទចម្រៀងរបស់ខ្លួនដែលចេញថតជាបន្ដបន្ទាប់ ខណៈដែលរូបគេក៏មមាញឹកនឹងការងារឡើងឆាកប្រគំតន្ដ្រីដែរនោះ។ ក្រោយពីបង្ហោះសារនេះ ក៏មានអ្នកគាំទ្រ ចូលរួមលើកទឹកចិត្ដ និងជូនពរឲ្យសមប្រកបដូចអ្វីដែលIdol របស់ខ្លួនប៉ងប្រាថ្នានៅថ្ងៃនេះ៕
