- 2023-07-27 03:20:38
- ព័ត៌មាន
ទ្រាំយូរពេក ច្រាលចេញពាក្យពិត! ឃុំ ប៉ុណ្ណាដែត រិះគន់ រ៉ូស និងសុខា ហើយឲ្យមហាជនគិតពាក្យថា "តារា"
- 2023-07-27 03:20:38
- ចំនួនមតិ 0 | ចំនួនចែករំលែក 0
ទ្រាំយូរពេក ច្រាលចេញពាក្យពិត! ឃុំ ប៉ុណ្ណាដែត រិះគន់ រ៉ូស និងសុខា ហើយឲ្យមហាជនគិតពាក្យថា "តារា"
ចន្លោះមិនឃើញ
រឿងរ៉ាវស្នេហារបស់រ៉ូស ផ្ទុះកាន់តែធំ និងវែងឆ្ងាយ ធ្លាយដល់ការនិយាយដើម សុខា ដោយមហាជន ជាពិសេសអ្នកប្រឡូកក្នុងអាជីពសិល្បៈច្រើនឆ្នាំ បានចាត់ទុកថា អ្នកទាំងពីរ គឺរ៉ូស និងសុខា យកសិល្បៈជាខែល ហើយធ្វើរឿងផ្ដេសផ្ដាសនាំឲ្យប៉ះពាល់ដល់កិត្ដិយស និងប្រជាប្រិយភាពរបស់តារាខ្មែរទូទៅ។
បន្ថែមលើពាក្យរិះគន់លោក កួច ខេវិន ចំពោះកញ្ញា រ៉ូស ទម្លាយរឿងលើគ្រែផ្ទាល់ខ្លួនជាសាធារណៈ នៅពេលនេះតារាចម្រៀង ឃុំ ប៉ុណ្ណាដែត បានដាក់ថែមយ៉ាងចាស់ដៃ។ លោកស្នើឲ្យសាធារណជន ជាពិសេសអ្នកសារព័ត៌មាន គួរពិចារណាឡើងវិញលើការហៅ ឬដាក់ឈ្មោះតារា ខណៈបុគ្គលខ្លះធ្វើរឿងមិនសមឲ្យគេហៅឈ្មោះ"តារា" ផងនោះ។
តាមរយៈគណនីហ្វេសប៊ុកផ្ទាល់ខ្លួន ឃុំ ប៉ុណ្ណាដែត បានបញ្ចេញមតិគាំទ្រ១០០% ចំពោះពាក្យរិះគន់របស់លោក កួច ខេវិន ចំពោះរ៉ូស។ លោកថ្លែងទាំងហួសចិត្ដថា៖ "ខ្ញុំសូមអស់យោបល់ត្រឹមហៅសុខា "តារា" ដែរ"។
ការនិយាយបែបនេះចំពោះសុខា ក៏ដោយសារតែកន្លងទៅសុខា ត្រូវគេចាប់បានក្នុងបទល្មើលលួចទូរស័ព្ទ និងអំពើក្រអើតក្រទមជាច្រើនទៀត ហើយមានអ្នកមានលទ្ធភាពមួយចំនួនបានព្យាយាមទាញសុខាឡើងពីភក់ជ្រាំ ទាំងដែលសាមីខ្លួនមិនប្រមកែខ្លួន។ យ៉ាងដូច្នេះហើយ នៅតែមានមនុស្ស និងបណ្ដាញផ្សព្វផ្សាយមួយចំនួនបានហៅសុខា ថា តារាTiktok ឬតារាសម្ដែងទៀតផង។
ចំពោះករណីរ៉ូសវិញ លោក កួច ខេវិន កាលពីថ្ងៃទី២៦ ខែកក្កដា ឆ្នាំ២០២៣ បានចែករំលែកបន្ដនូវរូបថតលើគ្រែរបស់រ៉ូស ដោយភ្ជាប់តារាចម្រៀង និងសម្ដែងអាជីពជាច្រើនរូប អមដោយពាក្យរិះគន់ធ្ងន់ៗ។ ទង្វើរបស់រ៉ូស កំពុងធ្វើឲ្យប៉ះពាល់ដល់សិល្បករ-សិល្បការិនីដទៃដែលគេខំកសាងកេរ្ដិ៍ឈ្មោះ និងប្រជាប្រិយភាពដ៏លំបាក ដើម្បីទទួលបានការគោរពស្រឡាញ់ពីមហាជន។
លោកបន្ថែមថា គេពុំដែលហៅពពួកមនុស្សឆើតឆាយចាយឫក ចាយរាងហើយយកទូរស័ព្ទមកថតខ្លួនឯងសម្ញែងទាក់ប្រុស ទាញស្រីដើម្បីបានការចាប់អារម្មណ៍ពីគេឯងដើម្បីផលតែផលប្រយោជន៍បុគ្គលនោះថាជាតារាឡើយ៕
