ជីវិតដែលគ្រប់គ្នាប្រាថ្នា! អេឡិច ចាន់ត្រា ថ្ងៃធម្មតាប្រឹងរកស៊ី មានលុយ មានពេល ចេញសាកថ្មជីវិត!

2023-08-14 03:50:17
ព័ត៌មាន

2023-08-14 03:50:17
ចំនួនមតិ 0 | ចំនួនចែករំលែក 0

ចន្លោះមិនឃើញ

អេឡិច ចាន់ត្រា ជាសិល្បករ តារាម៉ូដែល និងចុងក្រោយបានវិវត្តខ្លួនមកជាអ្នកជំនួញ បានចាកចេញពីកម្ពុជាហើយនៅថ្មីៗនេះ ក្រោយពីលោកអាចដកខ្លួនពីការងារដ៏មមាញឹកមួយរយៈពេលខ្លី។

អូស្ត្រាលី គឺជាទឹកដីមួយ ដែលប្រុសស្អាតកូនចៅចិនរូបនេះចូលចិត្តមួយ ដូច្នេះហើយ ទើបជារឿយៗ គេឃើញទៅកម្សាន្តទីនោះម្ដងហើយម្ដងទៀត ពោលគឺរៀងរាល់ឆ្នាំតែម្ដង។ គេមិនដឹងឡើយថា អូស្ត្រាលី មានអ្វីពិសេស ទើបអាចចងចិត្តតារាប្រុសរូបនេះនោះឡើយ។ ប៉ុន្តែតាមសាមីខ្លួន គឺដើម្បីសម្រាកលំហែ និងជួបសួរសុខទុក្ខបងប្អូនមិត្តភ័ក្តិនៅទីនោះប៉ុណ្ណោះ។

យ៉ាងណា ជុំវិញការចាកចេញទៅទីឹកដីសត្វកង់ហ្គូរូជាថ្មីនេះ បន្ទាប់ពីគេដឹងថា លោកបានរយាលពីការងាររកស៊ីរបស់លោកមួយ។ អេឡិច ចាន់ត្រា គឺជានាយកគ្រប់គ្រងក្រុមពិធីការ Alex Entertainment Agencyដែលលោកបានបើកដំណើរការជាច្រើនឆ្នាំ។ អាជីវកម្មនេះ គេមើលឃើញថា មានផ្លែផ្កាល្អ ក្នុងនោះគេឃើញលោករមែងក្ដោបបានឱកាសផ្ដល់សេវាកម្មដល់ក្រុមហ៊ុនធំៗ និងម្ចាស់ពិធីសុទ្ធលំដាប់ឧកញ៉ា ឯកឧត្តម ជាញឹកញាប់។

យ៉ាងណា ក្នុងអំឡុងពេលរដូវភ្លៀង អាជីវកម្មរបស់លោកមានពេលទំនេរច្រើន។ដូច្នេះហើយ បន្ទាប់ពីប្រឹងរកលុយស្ទើរពេញ១ឆ្នាំ ទើបលោកក៏ឆ្លៀតទៅប្រើប្រាស់ពេលជីវិតផ្ទាល់ខ្លួនខ្លះនៅអូស្ត្រាលី ដែលភាសាយុវវ័យនិយមប្រើពាក្យ "សាកថ្មជីវិត"។ អេឡិច ចាន់ត្រា មិនបានបញ្ជាក់ឡើងថា លោកសម្រាកលំហែរយៈពេលប៉ុន្មានអូស្ត្រាលី ប៉ុន្តែគេជឿថា លោកនឹងវិលវិញនៅមុនរដូវមង្គលចូលមកដល់ប្រមាណជា ២ខែទៀតនេះ ព្រោះថា ជាពេលដែលលោកត្រូវប្រមូលផលឡើងវិញទៀតហើយ៕