អបអរសាទរ Nak Fake និងកញ្ញា មីហឹរ ភ្ជាប់ពាក្យ ខណៈខាងប្រុសចេញសារផ្អែមដូចស្ករ

2023-08-25 04:58:08
ព័ត៌មាន

2023-08-25 04:58:08
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងផលិតកម្ម ហ្គាឡាក់ស៊ី ណាវ៉ាត្រា លោក សេង វណ្ណៈ ហៅ Nak Fake ទីបំផុតបានសម្រេចបំណងស្នេហា ដោយបានភ្ជាប់ពាក្យជាមួយកញ្ញា មីហឹរ ក្លាយជាគូដណ្ដឹងផ្លូវការហើយ ខណៈខាងប្រុសរំភបចិត្ត ចេញសារផ្អែមល្ហែមដូចស្ករជូនខាងស្រី។

នៅបណ្ដាញសង្គមរបស់ខ្លួន Nak Fake បានបង្ហោះរូបថតមួយសន្លឹក បញ្ជាក់ពីភាពរួចរាល់របស់ពួកគេក្នុងនាមជាគូដណ្ដឹង។ ក្រោមការសាទរពីប្រិយមិត្តជាច្រើនលើបណ្ដាញសង្គម តារាប្រុស បានថ្លែងអរគុណដល់ខាងស្រី ដែលច្រើនឆ្នាំមកនេះ មើលថែ និងអត់ធ្មត់តស៊ូជាមួយគេរហូតមក។

លោកថ្លែង "អរគុណសម្រាប់ក្តីស្រឡាញ់មួយនេះ របស់អូនអរគុណការមេីលថែររយៈពេល4ឆ្នាំជាងកន្លងមកនេះ អរគុណដែលផ្តល់ក្តីស្រឡាញ់យ៉ាងធំធេងមកលេីបង នេះជាអ្វីដែរពួកយេីងរំពឹងទុកមកជាយូរ អរគុណដែលទទួលយកបងជាបង អរគុណដែលរស់នៅទ្រាំលំបាកជាមួយបង"

Nak Fake បន្តថា ច្រើនឆ្នាំមកនេះ ពួកលោកជួបរឿងជាច្រើន មិនថាផ្អែមល្ហែម លី្វង ជូរចត់នោះទេ ប៉ុន្តែលោកអាចឆ្លងកាត់បានគ្រប់រឿង ព្រោះតែមានស្រីតូចរូបនេះនៅក្បែរ។ ណាក់ ហ្វេក ថា នាងតែងលេីកទឹកចិត្តឲ្យលោកអត់ធ្ងន់ស៊ូទ្រាំជានិច្ច ព្រោះនាងជឿថា អ្វីអ្វីនឹងប្រសើរឡើងក្នុងរយៈពេលមិនយូរទៀតនោះទេ។

តារាចម្រៀងប្រុស ថ្លែងថា "យេីងតស៊ូមកជាមួយគ្នាច្រេីនឆ្នាំមកហេីយ មានទាំង ផ្អែម ល្វីង ជូរ ចត់ តស៊ូមកលំបាកជាមួយគ្នា ទោះរស់នៅពេលខ្លះ ពួកយេីងមានកំហុស ក៍យេីងមិនបោះបង់គ្នាចោលទៅណា ️️អរគុណសម្រាប់អនុស្សារវរីយ ល្អរបស់អូន ដែលតែងតែបំពេញលេីបង បងនឹងចងចាំវាជារៀងរហូត បងនឹងមេីលថែអូនរហូតណា ព្រះច័ន្ទ️មីហឹរ"។

លោក សេង វណ្ណៈ ហៅ Nak Fake បានជួបជាមួយកញ្ញា ស្រ៊ុន គន្ធា ហៅកញ្ញា មីហឹរ អំឡុងឆ្នាំ ២០១៨ គ្រាដែលលោក និងម្ដាយ បានចាកចេញពីស្រុកកំណើតខេត្តស្វាយរៀងមករស់នៅភ្នំពេញ។លោកប្រាប់ថា ពេលឃើញនាងភ្លាម លោកស្រឡាញ់ភ្លែត តែមិនសង្ឃឹមថាទទួលលទ្ធផលល្អឡើយ ព្រោះលោកមានជីវភាពខ្សត់ខ្សោយ។

ដូច្នេះហើយ លោកបាននិពន្ធបទចម្រៀងមួយបទឆ្លុះបញ្ចាំងស្ថានភាពរវាងលោក និងនាង គឺបទ"យើងជាទន្សាយគេជាព្រះចន្ទ"។ Nak Fake ធ្លាប់សារភាពស្នេហ៍ប្រាប់ មីហឹរ តែមិនទទួលបានផលនោះទេ គឺនាងថា រាប់អានទុកដូចជាបងប្អូន និងក្រុមការងារប៉ុណ្ណោះ។

យ៉ាងណា នាងក៏មិនដែលនិយាយថា មិនស្រឡាញ់លោកដែរ...ដូច្នេះហើយលោកមិនអស់សង្ឃឹមនោះទេ តែព្យាយាមធ្វើចិត្តធម្មតា ផ្សំពេលនោះមានការងារច្រើនផង លោកក៏ធ្វើចិត្តបាន។ យ៉ាងណា ពួកគេទាំងពីរ ចិញ្ចឹមចិត្តរៀងខ្លួន គ្រាន់តែយកពេលកសាងសមត្ថភាព កសាងអនាគតសិនប៉ុណ្ណោះ។

ដល់មកដល់ពេលនេះ ខាងប្រុស ចាប់ផ្ដើមមានជំហររឹងមាំ ដោយបានធ្វើជាតារាចម្រៀងពេញសិទ្ធិរបស់ផលិតកម្មធំ ហ្គាឡាក់ស៊ី ណាវ៉ាត្រា ទើបលោកព្រមព្រៀងគ្នារៀបចំអនាគតតែម្ដង៕