- 2024-01-23 04:08:11
- ព័ត៌មាន
វណ្ណដា ប្ដូរអាជីពមួយថ្ងៃ ទម្លាក់ក្បាលមេក្រូ ចូលធ្វើចុងភៅវ៉ែនតាខ្មៅឲ្យក្មេងៗម្ដង
- 2024-01-23 04:08:11
- ចំនួនមតិ 0 | ចំនួនចែករំលែក 0
វណ្ណដា ប្ដូរអាជីពមួយថ្ងៃ ទម្លាក់ក្បាលមេក្រូ ចូលធ្វើចុងភៅវ៉ែនតាខ្មៅឲ្យក្មេងៗម្ដង
ចន្លោះមិនឃើញ
ថ្ងៃទី ២២ ខែមករា ឆ្នាំ ២០២៤ ជាថ្ងៃខួបកំណើតរបស់តារាចម្រៀងរ៉េបដ៏ល្បីលំដាប់ជួរមុខប្រចាំប្រទេសកម្ពុជា គឺ វណ្ណដា។ ថ្ងៃដ៏រីករាយនេះ វណ្ណដា បានចេញវីដេអូបទចម្រៀងមួយបទមានចំណងជើងថា “6 YEARS IN THE GAME” ជាមួយនឹង AWICH ដើម្បីជាការអបអរខួបកំណើតឆ្នាំថ្មីផង និងក៏ដើម្បីជាការអរគុណដល់អ្នកគាំទ្រដែរ។
ត្រឹមវីដេអូមួយពុំទាន់អស់ចិត្តទេ ព្រោះវណ្ណដា បានទៅកាន់អង្គការ ផ្ទះបាយកុមារ ដើម្បីធ្វើម្ហូបអាហារឆ្ងាញ់ៗ ចែកដល់កុមារៗជាច្រើននាក់ដែលរស់នៅទីនោះ។ ក្រៅពី ម្ចាស់ខួប សង្កេតឃើញថាក៏នៅមានវត្តមានអ្នកម្ដាយជាទីស្រឡាញ់ និងគូស្នេហ៍របស់លោក ព្រមទាំងក្រុមការងារជាច្រើននាក់ទៀតផងដែរ។
នេះជាទង្វើដែលអ្នកគាំទ្រឃើញហើយ ពេញចិត្ត និងផ្ដល់នូវការស្រឡាញ់បន្ថែមមួយកម្រិតដល់តារាប្រុសរូបនេះ។ ការគាំទ្រទាំងប៉ុន្មាន វណ្ណដា ពិតជាអរគុណ ហើយតែងតបស្នងមកវិញនូវស្នាដៃថ្មីៗ ពិសេសនាំយកមុខមាត់ថ្មីក្នុងនាមជាកូនខ្មែរទៅបង្ហាញឆាកអន្តរជាតិ ថាខ្មែរពិតជាខ្លាំង៕
SabayOne កម្មវិធីកម្សាន្តថ្មីរបស់ Sabay បើកឲ្យប្រើសាកល្បងពីពេលនេះ! ចុះឈ្មោះតាមរយៈតំណភ្ជាប់នេះ https://bit.ly/3QVlYVB
