សួស វីសា និងស្វាមី ទើបទទួលបានការងារថ្មី ព្រលយពាក្យថា អ្នកគាំទ្រនឹងភ្ញាក់ផ្អើលជាមួយវីដេអូថ្មីៗ

2024-03-05 10:13:57
ព័ត៌មាន

2024-03-05 10:13:57
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងស្រីល្បីឈ្មោះ សួស វីសា និងស្វាមី ថមមី ហៅនាងខ្មើត ប្រកាសថា ខ្លួននឹងផ្ដល់ចំណីអារម្មណ៍ថ្មី ប្លែកៗសម្រាប់អ្នកគាំទ្រកាន់តែច្រើន ក្រោយក្លាយជាទូតសុច្ឆន្ទៈរបស់ក្រុមហ៊ុន HSO។ តាមការឲ្យដឹងពីតារាចម្រៀង និងជាតារាសម្ដែងដ៏ក្រមិចក្រមើមទាំងពីរដួង ខ្លួនទើបត្រឡប់មកពីស្រុកក្រៅដើម្បីទទួលកុងត្រាថ្មីបន្ថែមលើការងារសិល្បៈសព្វថ្ងៃ។

អ្នកនាង សួស វីសា បាននិយាយទៅកាន់អ្នកគាំទ្ររបស់ខ្លួនតាមរយៈសារព័ត៌មានថា នាងខ្មើត ឬនាងកាប៉ាកឡាក នឹងបង្កើតឈុតឆាកថ្មី ដាក់ឲ្យផ្អើលហ្វេនៗនៅស្រុកខ្មែរ និងក្រៅប្រទេសតែម្ដង ដែលនិយមតាមដានសកម្មភាពរបស់ពួកគាត់។ ឥឡូវនេះពួកគាត់មានលទ្ធភាព និងពេលវេលាកាន់តែច្រើនក្នុងការផលិតវីដេអូសម្រាប់មហាជន ដោយមានភ្ជាប់ជាមួយផលិតផលថ្មីដែលខ្លួនទើបទទួលធ្វើការជាមួយគ្នា។

សួស វីសា៖ "កុំភ្លេច ចាំសើច ចាំស៊ែរ ចាំតាមដានណា លើកនេះ ដាក់ឱ្យផ្អើលស្រុកខ្មែរ ស្រុកថៃម៉ង ឱ្យស្គាល់ នាងខ្មើត បងស្រី សួស វីសា ម្តង មានមាតិកាជាច្រើននឹងត្រូវចេញជាមួយវីដេអូផលិតផលHSO Jelly Fiber” ។

ថ្មីៗនេះ គេសង្កេតឃើញទីផ្សារសិល្បៈ និងការងារក្រៅសិល្បៈរបស់គ្រួសារតារាដ៏កក់ក្ដៅមួយនេះមានកាន់តែច្រើន ធ្វើឲ្យក្រុមហ៊ុនល្បីៗមានទំនុកចិត្ដ ហើយទៅធ្វើការជាមួយ។ ទន្ទឹមគ្នានេះ អ្នកគាំទ្រក៏ត្រេកអរជំនួស ដោយក្រៅពីបទចម្រៀងយ៉ាងពីរោះចេញពីតារាចម្រៀងទាំងពីរ ពួកគេឲ្យមានឱកាសបានទស្សនាវីដេអូប្លែកៗពី Idol របស់ខ្លួនដែរ៕