ខណៈកំពុងពេលមានជម្លោះផ្លូវច្បាប់ជាមួយ Angelina Jolie លោក Brad Pitt បានរកឃើញអ្នកស្អំបេះដូង មិត្តស្រីអាយុ ២៩ ឆ្នាំ Ines de Ramon ហើយនាងបានបង្ហាញការលួងលោមទៅកាន់ Brad យ៉ាងផ្អែមល្ហែមចំពេលមានរឿងអាស្រូវពាក្យបណ្ដឹងដែល Brad កំពុងតានតឹងខ្លាំងជាមួយ Angelina។

រយៈពេលប៉ុន្មានថ្ងៃបន្ទាប់ពី Angelina Jolie បានដាក់ញត្តិទៅតុលាការជាន់ខ្ពស់ទៅក្រុង Los Angeles ដោយអះអាងថាត្រូវបានរំលោភលើរាងកាយដោយអតីតស្វាមី។ ប្រភពបានប្រាប់តាមរយៈបណ្ដាញសារព័ត៌មានបរទេសបានឱ្យដឹងថា Brand Pitt តានតឹងបន្តិចមែនតែបានសង្សារថ្មី Ines de Ramon តែតតែនៅក្បែរចាំផ្ដល់កំលាំងចិត្ត និងលួងលោមជានិច្ច។

តារាហូលីវូដឥឡូវនេះកំពុងផ្តោតលើអនាគតជាជាងខ្វល់ខ្វាយពីអតីតកាល។ ហើយបញ្ហាកំពុងបន្តជាមួយ Angelina ពិតជាធ្វើឱ្យ Brad ពិបាកចិត្ត ជាពិសេសបញ្ហាឃុំឃាំង និងការចោទប្រកាន់ពីការរំលោភបំពាន វាតានតឹងខ្លាំងណាស់សម្រាប់ Brad ដែលត្រូវការពារតតាំងម្តងហើយម្តងទៀត ដើម្បីបន្តជីវិតរស់នៅ។

តារាសម្តែងវ័យ ៦១ ឆ្នាំរូបនេះ មានការប្រយ័ត្នប្រយែងចំពោះជីវិតស្នេហា ទោះមានមិត្តភក្តិច្រើនប៉ុន្តែលោក មិនអាចទុកចិត្តលើនរណាម្នាក់បានមួយរយភាគទេ។ ប៉ុន្តែចាប់តាំង Ines de Ramon បានឈាន ចូលក្នុងជីវិត Brad ហាក់សប្បាយចិត្ត និងជីវិតស្រស់ថ្លាជាងមុន៕