- 2016-11-08 05:11:33
- ព័ត៌មាន
អ្នកគាំទ្រចាប់ផ្ដើមទទួលស្គាល់ស្នាដៃភាពយន្តវាយប្រហារ របស់កូនខ្មែរ
- 2016-11-08 05:11:33
- ចំនួនមតិ 0 | ចំនួនចែករំលែក 0
អ្នកគាំទ្រចាប់ផ្ដើមទទួលស្គាល់ស្នាដៃភាពយន្តវាយប្រហារ របស់កូនខ្មែរ
ចន្លោះមិនឃើញ
បន្ទាប់ពីមានការលើកឡើងនូវមតិមួយចំនួនទៅលើការខ្វះការយកចិត្តទុក្ខដាក់លើការផលិតភាពយន្តកម្ពុជាកន្លងមក ថ្មីៗនេះទីផ្សារភាពយន្តបែបថ្មីមួយទៀតរបស់កម្ពុជាកំពុងតែទទួលផលវិជ្ជមានពីសំណាក់អ្នកគាំទ្រ។
រឿង "ចេនឡា២" របស់ផលិតកម្ម Rock ជារឿងប្រភេទបែបវាយប្រហារ ហើយក៏ជារសជាតិថ្មីមួយរបស់ភាពយន្តកម្ពុជា ដែលកន្លងមក គឺមានតិចតួចបំផុតសម្រាប់ឧស្សាហកម្មភាពយន្តក្នុងស្រុក។ លោក យឹម សុសត្យា លោក យឹម សុសត្យា ប្រធានគ្រប់គ្រងការផលិតរបស់ផលិតកម្ម Rock លោកមានប្រសាសន៍ថា លោកបានឃើញផលវិជ្ជមាន ទាំងនេះ លើបណ្ដាញសង្គមវិញ ក្នុងនោះមតិ ៨០% គឺនិយាយពីផលវិជ្ជមានទៅលើសាច់រឿង និង ការដឹកនាំ ដោយអ្នកខ្លះបានសរសើរពីការជ្រើសទីតាំងថតដែលមើលទៅសក្ដិសមទៅនឹងទិដ្ឋភាពជាក់ស្ដែងរបស់សាច់រឿង។
លោក យឹម សុសត្យា ប្រធានគ្រប់គ្រងការផលិតរបស់ផលិតកម្ម Rock
លោក យឹម សុសត្យា ដែលជាប្រធានគ្រប់គ្រងផលិតកម្ម Rock បានលើកឡើងទៀតថា មិនមែនជារឿងងាយស្រួលនោះទេ ទម្រាំតែអាចផលិតរឿងបែបវាយប្រហារនេះ ឲ្យចេញជារូបរាងបាន ក្នុងនោះ ត្រូវចំណាយពេលប្រមាណជាជិត១ឆ្នាំក្នុងការថត ហើយដើមទុនក៏ច្រើនដូចគ្នាដែរ។
លោកបន្តថា លោកផលិតរឿងនេះឡើង គឺប្រៀបបីដូចជាការសាកល្បងទីផ្សារភាពយន្តបែប Action របស់កម្ពុជាផងដែរ ហើយលោកសង្ឃឹមថានឹងមានការគាំទ្រច្រើនសម្រាប់រឿងបែបថ្មីមួយនេះ។ ជាពិសេស លោក និងក្រុមការងារផលិតកម្ម Rock ទាំងអស់ពេញចិត្តទទួលយកគ្រប់ការកែលម្អចំពោះស្នាដៃផលិតរឿងទី១នេះផងដែរ៕
