- 2016-11-19 05:02:09
- ព័ត៌មាន
ដួង សុគា បញ្ជាក់ជាថ្មីពីទំនាក់ទំនងលោក និងអ្នកនាងខ្ញុង
- 2016-11-19 05:02:09
- ចំនួនមតិ 0 | ចំនួនចែករំលែក 0
ដួង សុគា បញ្ជាក់ជាថ្មីពីទំនាក់ទំនងលោក និងអ្នកនាងខ្ញុង
ចន្លោះមិនឃើញ
លោក ដួង សុខគា បានចេញមុខជាថ្មី ដោយបានច្រានចោល ព័ត៌មានដែលថាលោក ខឹងខ្ញុងនោះ គឺជារឿងយល់ច្រឡំប៉ុណ្ណោះ។
មុននេះបន្តិច លោក ដួង សុខគា បានប្រកាសតាមហ្វេសប៊ុកថា សុខដើរចេញពីកម្មវិធី "ផ្ទះលោកតា" និង កម្មវិធី"សំណើចតាមភូមិ" ដោយសារតែលោកអន់ចិត្តខ្លះៗជាមួយក្រុមការងារ ខណៈជាមួយគ្នា មានចចាមអារ៉ាមថា អ្នកដែលលោកអន់ចិត្ត គឺអ្នកនាង ស្រេង សុកាន់ដា ហៅ ខ្ញុង។
ពិធីករសម្បូរវោហារូបនេះ បញ្ជាក់ថា មិនមែនជាការពិតទេ ព្រោះលោក និងខ្ញុង មិនធ្លាប់មានបញ្ហាអ្វីនឹងគ្នាឡើយ។ "មានអ្នកកាសែតជាច្រើនបានសួរខ្ញុំពីរឿងនេះ តែខ្ញុំសុំបដិសេធមិននិយាយ ហើយថាខ្ញុំខឹងនឹងអ្នកណា ខឹងពីរឿងអី ក៏ខ្ញុំអត់បាននិយាយដែរ...!"។ ដូច្នេះហើយ លោក សង្កត់ធ្ងន់ថា រឿងគេថា លោកខឹងអន់ចិត្តជាមួយ ខ្ញុង សុទ្ធជាការយល់ច្រឡំប៉ុណ្ណោះ។
ដោយសារការយល់ច្រឡំ អ្នកនាង ស្រេង សុកាន់ដា ហៅ ខ្ញុង បានខឹងលោក សុខគា ខ្លាំង និងបានចេញប្រតិកម្មភ្លាមៗនាថ្ងៃម្សិលមិញ ក្រោយមានព័ត៌មានថា ដួង សុខគា ខឹងខ្លួន ខណៈនាងខ្លួនឯង អត់ដឹងខ្លួនសោះ។ បញ្ហានេះ លោក ដួង សុខគា បញ្ជាក់នៅថ្ងៃនេះជាមួយ Sabay ថា លោកក៏នៅតែមិនអន់ចិត្ត ឬខឹងជាមួយ ខ្ញុង ដែរ ព្រោះលោកយល់អារម្មណ៍មនុស្សដែលកំពុងខឹង។
បន្ថែមពីលើនេះ លោក ដួង សុខគា ប្រាប់ថា លោកក៏បានឆាតទៅ ខ្ញុងដើម្បីកុំឲ្យមានការយល់ច្រឡំ ហើយ ខ្ញុង ក៏បានយល់ពីបំណងរបស់លោកដូចគ្នា។
វិលទៅការប្រកាសលើហ្វេកប៊ុកកន្លងមកថា លោកសុខចិត្តដើរចេញពីកម្មវិធី "សំណើចតាមភូមិ" និង "ផ្ទះលោកតា" វិញនោះ លោក សុខគា ប្រាប់ថា ពិតជាដោយសារលោកអន់ចិត្តខ្លះៗក្នុងក្រុមការងារពិតមែន។ ប៉ុន្តែមកទល់នឹងថ្ងៃនេះ ក្រុមការងារលោក បានដោះស្រាយគ្នារួចហើយ ហើយអ្វីៗ បានវិលមកស្ថានភាពដើមច្រើនវិញហើយ។
ជាមួយគ្នា លោក នៅបានប្រាប់ថា អាចនឹងវិលមកកម្មវិធីទាំងពីរវិញដែរ តែត្រូវរង់ចាំមើលការដោះស្រាយបន្តបន្ទាប់ទៀតសិន ព្រោះថ្នាក់លើរបស់លោក កំពុងដុតដៃដុតជើងលើរឿងនេះដែរ។
ដោយឡែកលោក សុវណ្ណ រិទ្ធី ហៅលោកតាវិទ័រ បានបញ្ជាក់ថា លោកពិតជាសប្បាយចិត្តនៅពេលដែលកូនចៅរបស់លោកត្រូវរ៉ូវគ្នាវិញបែបនេះ។ លោកថា ក្នុងមានជាអ្នកគ្រប់គ្រងស្រលាញ់កូនចៅស្មើៗគ្នា មិនលំអៀងឡើយ ពោលគឺស្រលាញ់ប្រៀបដូចជាសាច់ញាតិ មិនចង់អ្នកណាម្នាក់ត្រូវដើរចេញឡើយ។
វិលមកតំណែងកម្មវិធី "ផ្ទះលោកតា" និង កម្មវិធី"សំណើចតាមភូមិ" លោកប្រាប់ថា នៅតែរង់ចាំ លោក ដួង សុខគា ជានិច្ចមិនប្រគល់ឲ្យអ្នកផ្សេងឡើយ។
ដើម្បីកាន់តែលំអិតជាងនេះ សូមស្ដាប់ បទសម្ភាសរបស់ Sabay ជាមួយ លោក ដួង សុខគា ជុំវិញបញ្ហាខាងលើ៕
