ការពិត ១០យ៉ាងដែលគាំទ្រអាចនឹងចង់ដឹងកាន់តែច្បាស់ពី STEP

2016-11-21 03:55:00
ព័ត៌មាន

2016-11-21 03:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងរ៉ាវមួយចំនួនរបស់តារាចម្រៀងវ័យក្មេងក្នុងផលិតកម្មហង្សមាស STEP អ្នកគាំទ្រ និង អ្នកតាមដានសកម្មភាពរបស់លោក ប្រហែលជាបានដឹងខ្លះៗហើយ មិនថាទាំងការងារសិល្បៈ និងជីវិតឯកជនរបស់លោក ក្នុងនោះមានរឿងរ៉ាវមួយចំនួនទៀតអ្នកគាំទ្រអាចមិនធ្លាប់បានដឹង។

តោះទៅតាមដានការពិត ១០ យ៉ាងរបស់ STEP ទាំងអស់គ្នា៖

១. STEP គ្រាន់តែឈ្មោះក្នុងសិល្បៈតែប៉ុណ្ណោះ ដោយលោកមានឈ្មោះពិត "សុខ វិបុល" កើតថ្ងៃ ២៩ មិថុនា ១៩៩៤ កម្ពស់ ១៨០ សង់ទីម៉ែត្រ ទម្ងន់ ៦៥ គីឡូក្រាម។

២. STEP បានបង្ហាញមុខដំបូងក្នុងវីដេអូចម្រៀង "Call ច្រឡំលេខ" របស់តារាចម្រៀង Angella ក្នុងផលិតកម្ម TOWN។

៣. STEP ជាប្អូនប្រុសបង្កើតរបស់ តារាសម្ដែង និង ពិធីករ សុខ សេរីវឌ្ឍនា។

៤. មុននឹងក្លាយជាតារាចម្រៀងទោលដូចសព្វថ្ងៃ STEP ធ្លាប់ជាអតីតសមាជិករបស់ក្រុមចម្រៀង ២ ក្រុម៖ ១. ក្រុមចម្រៀង "SUNRISE” (២០១១-២០១២) ២. ក្រុមចម្រៀង “LEGACY” (២០១២-២០១៥)។ STEP ត្រឡប់មកវិញជាតារាចម្រៀងទោលក្នុង អាល់ប៊ុម "FRIEND ZONE”។

៤. បទចម្រៀងទី១របស់លោកជាមួយក្រុម “LEGACY” មានចំណងជើងថា "Pretty Girl” រីឯបទនៅក្នុងក្រុមចម្រៀង "SUNRISE” វិញមានចំណងជើងថា "Send me your heart" និង បទចម្រៀងទោលទី១ក្នុង អាល់ប៊ុម "FRIEND ZONE” មានចំណងជើងថា "Friend Zone”។

៥. តារាចម្រៀងស្រីក្នុងផលិតកម្ម ហង្សមាស ដែលលោកបានសម្ដែងជាមួយចុងក្រោយបង្អស់គិតត្រឹមពេលនេះគឺ រ៉េត ស៊ូហ្សាណា ក្នុងវីដេអូចម្រៀង "ឈប់" របស់តារាចម្រៀងស្រីវ័យក្មេងនេះតែម្ដង ហើយវីដេអូចម្រៀងនេះបានចេញ Teaser កាលពីថ្ងៃទី១៧ វិច្ឆិកា ២០១៦ លើទំព័រ យូធូបផ្លូវការរបស់ ផលិតកម្ម ហង្សមាស។

៦. វីដេអូចម្រៀងចុងក្រោយបំផុតរបស់តារាចម្រៀងដែលអ្នកគាំទ្រតាំងនាមជា Rain កម្ពុជាគឺបទ "បើមិនស្រលាញ់ម្ដេចផ្ដល់ក្ដីសង្ឃឹម" ដែលបានចេញជាផ្លូវការនៅថ្ងៃទី ២៣ តុលា ២០១៦។ និងបទចម្រៀងចុងក្រោយបំផុតគឺបទ "យប់មួយ"។

៧. នៅក្នុងផលិតកម្ម ហង្សមាស សព្វថ្ងៃលោកមិនត្រឹមតែជាតារាចម្រៀងនោះទេ ប៉ុន្តែលោកក៏ជាអ្នកនិពន្ធបទភ្លេងផងដែរ ហើយលោកធ្លាប់បាននិពន្ធបទភ្លេងឲ្យតារាចម្រៀងជួរមុខក្នុងផលិតកម្មជាច្រើនដូចជា ព្រាប សុវត្តិ ឱក សុគន្ធកញ្ញា ពេជ្រ សោភា សុគន្ធ នីសា និង ឆន សុវណ្ណរាជ ជាដើម។ ហើយបទចម្រៀងដែលលោកនិពន្ធនិងទទួលបានការគាំទ្រខ្លាំងមានដូចជា "អូនទៅហើយ" “បើស្រលាញ់ម្ដេចទុកអូនចោល" និង "She's Back” ជាដើម។

៨. ទោះបីជាការងារសិល្បៈរវល់យ៉ាងណាក៏ដោយ STEP មិនដែលភ្លេចការសិក្សានោះទេ សព្វថ្ងៃលោកជានិស្សិតថ្នាក់អនុបណ្ឌិតផ្នែក Commerce នៅសាកលវិទ្យាល័យ Charles Sturt University ដែលជាសាកលវិទ្យាល័យយកកម្មវិធីសិក្សាផ្អែកតាមប្រទេសអូស្ត្រាលីមានទីតាំងនៅប្រទេសកម្ពុជា។

៩. ជាទូទៅ STEP តែងតែងើបពីគេងនៅម៉ោង ៧ ព្រឹក ការងារដែលលោកធ្វើដំបូងគេនោះគឺ រត់ហាត់ប្រាណកម្ដៅសាច់ដុំ មិនត្រឹមតែប៉ុណ្ណោះ STEP ក៏ចូលចិត្តសរសេរបទភ្លេងនៅពេលព្រឹកដែរព្រោះគិតថាអារម្មណ៍ស្រស់ស្រាយ។

១០. STEP មិនចូលចិត្តញ៉ាំអាហារ ដែលមានជាតិខ្លាញ់ច្រើនគ្រប់ប្រភេទដោយលោកយល់ថា ជាអ្នកសិល្បៈចង់បានសាច់ដុំនិងរាងស្អាត ព្រោះបើញ៉ាំអាហារមានខ្លាញ់ច្រើនលោកអាចងាយនឹងឡើងគីឡូ៕