ធ្ងន់កហើយ! Bruno Mars ជាប់ក្ដីក្ដាំមិនធម្មតាក្រោយបង្ហោះរូប១សន្លឹក

2017-11-29 06:30:00
ព័ត៌មាន

2017-11-29 06:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងភ្ញាក់ផ្អើលមួយបានកើតឡើង ទាក់ទងនឹងតារាចម្រៀងអាមេរិក Bruno Mars ត្រូវអ្នកថតរូបម្នាក់ប្រកាសប្ដឹងផ្ដល់ ដោយសារបញ្ហាត្រឹមបង្ហោះរូបមួយសន្លឹក។

បើតាមវិបសាយ TMZ បានឲ្យដឹងថា អ្នកជំនាញថតរូបម្នាក់ ឈ្មោះ Catherine McGann បានថតរូបរបស់ Bruno Mars កាលពីឆ្នាំ ១៩៨៩។ ពេលនោះដែរ Bruno ទើបមានអាយុ ៣ ឫ ៤ឆ្នាំប៉ុណ្ណោះ និងបានតុបតែងបន្លំខ្លួនដូច តារាចម្រៀង Elvis Presley។

រយៈ ២៨ឆ្នាំរំលងផុតទៅ ក្នុងខែមិថុនាឆ្នាំ ២០១៧នេះ តារាប្រុសម្ចាស់បទ "The Lazy Song” បានបង្ហោះរូបនោះលើគណនី Instagram , Facebook និង Twitter ដោយបានទទួលចំនួន Like និង Share ជាច្រើន។ ចំណែករូបបង្ហោះលើ Instagram លោកទទួលបានចំនួនចុច Like រហូតទៅដល់ ១,២លានដងឯណោះ។

អ្វីដែលគួរឲ្យភ្ញាក់ផ្អើលនោះ Mars បែរជាមិនបានសុំសិទ្ធិពី អ្នកស្រី McGann ក្នុងការបង្ហោះរូបនេះឡើយ ជាហេតុធ្វើឲ្យអ្នកជំនាញថតរូប រូបនេះមានការភ្ញាក់ផ្អើលពេលឃើញរូបដែលខ្លួនខំថត បង្ហោះពេញអ៊ីនធឺណិត ដោយគ្មានការអនុញ្ញាត។

មូលហេតុនេះ ធ្វើឲ្យអ្នកស្រី Catherine McGann កើតទុក្ខមិនសុខចិត្ត រហូតដល់ថ្នាក់ ដាក់ពាក្យប្ដឹង Bruno Mars និងផលិតកម្មរបស់លោក (Warner Music) តែម្ដង។ អ្នកថតដដែល កំពុងស្នើសុំតុលាការឲ្យពួកគេសងជំងឺចិត្ត ព្រមទាំងតម្រូវឲ្យបង់ប្រាក់ចំណេញដែលបានពីរូបថតនោះមកឲ្យភាគីអ្នកស្រីទៀតផង៕

ប្រភព៖ petapixel ប្រែសម្រួល៖ យី សុធារី