ក្នុងកម្មវិធី សិល្បៈតាមផ្លូវ ឬ Street Art ដែលជាការប្រមូលផ្តុំសិល្បៈគ្រប់ទម្រង់ បែបសហសម័យ កាលពីរាត្រីទី៨ខែធ្នូ ឆ្នាំ២០១៧ សិល្បករពហុកជំនាញ ដែលចេះទាំងប្រគំតន្រ្តី គូរូប សូនរូប និងឆ្លាក់រូប ពិសេសគឺការគូរូបប្លែកៗលើជញ្ជាំង យី កក្តដា បានធ្វើឱ្យបរទេសភ្ញាក់ផ្អើរពីការគូរូប២ ដោយប្រើដៃ២ ហើយលើសពីនោះគឺគូរូបបញ្ច្រាស់ចុះក្រោម។

ក្នុងកម្មវិធី Art Street កក្តដា បានបង្ហាញការគូរូប ប្រាង្គប្រាសាទបាយ័ន្ត និង ភ័ក្រ្តព្រះបាទជ័យវរ្ម័នទី៧ ព្រមគ្នាក្នុងពេលតែមួយ ដោយដៃទាំងពីរ និងធ្វើការគូរូបបញ្ច្រាស ដោយគូដាំក្បាលរូបភាពចុះ រហូតដល់គូហើយទើបបង្វិលរូបភាពមកលើវិញក្នុងរយៈពេលតែ១៥នាទីប៉ុណ្ណោះ។

រូបភាពរបស់កក្តដាបានធ្វើឱ្យបរទេសជាច្រើនស្ងើចសរសេរគ្រប់ៗគ្នា ដោយមិននឹកស្មានដល់ថាយុវជនម្នាក់នេះចំណាយពេលតែ១៥នាទីអាចគូរូបភាពបែបនេះបាន។ តាមដែល យុវជន យី កក្តដា ប្រាប់ Sabay ឱ្យដឹងថា៖ «ខ្ញុំព្យាយាមយកឈ្នះខ្លួនខ្ញុំដោយធ្វើអីដែលអ្នកដទៃមិនអាចធ្វើបាន គំនិតរបស់ខ្ញុំគឺដើម្បីបង្អូតបរទេសដែលមកចូលរួមកម្មវិធីនេះដឹងថាខ្មែរយើងក៏មានអ្នកជំនាញសិល្បៈប្លែកៗជាច្រើនដែរ»។

ចុចអាន៖

-យី កក្កដា សិល្ប​ករ​ពហុ​ជំនាញ ចេះគូរគំនូរ២ផ្ទាំងក្នុងពេលតែមួយ មាន​ប្រវត្តិ​កំសត់​នឹក​ស្មានមិនដល់​

-កូន​ខ្មែរ​តែម្នាក់​គត់ រៀន​សាលា​តន្រ្តី​លំដាប់​ពិភព​លោក​ដល់​ទៅ​១៤ឆ្នាំ បង្កើត​ស្នាដៃ​ល្អឯកជាច្រើន​

-ផលិត​ករ​ភាព​យន្ត​ខ្មែរ​-អូស្រ្តា​លី​ ទោះជា​នៅ​ឯ​នាយ​សមុទ្រ​ក៏​នៅ​តែ​នឹក​ដល់​ខ្មែរ​