Adam Levine និងប្រពន្ធជួបគ្រោះថ្នាក់ចរាចរណ៍ បន្ទាប់ពីប្រកាសមានទម្ងន់ខែមុន
តារាចម្រៀងក្នុងក្រុម Maroon 5 គឺ Adam Levineនិងភរិយាកំពុងមានផ្ទៃពោះ Behati Prinsloo បានជួបគ្រោះថ្នាក់ចរាចរណ៍ឡាននឹងឡានកាលពីថ្ងៃទី ១៧ ខែ មេសា។ នេះតាមការឲ្យដឹងពី intouchweekly។
តាមប្រភពដដែលបានបញ្ជាក់ថា មានឡានម៉ាក Ferrari ពណ៌បៃតងមួយគ្រឿងបានជិះមកបុកឡានម៉ាក Tesla Model X របស់គូស្នេហ៍ទាំងពីរ បន្ទាប់ពីពួកគេចេញពីបរិភោគអាហារថ្ងៃត្រង់នៅហាងមួយកន្លែងនៅទីក្រុង Malibu រដ្ឋ California ។ យ៉ាងណាក្ដី គ្រោះថ្នាក់នេះមិនបានធ្វើឲ្យ AdamនិងBehati មានរបួសអ្វីឡើយ។
គ្រោះថ្នាក់ខាងលើបានកើតឡើង បន្ទាប់ពី Behati Prinsloo វ័យ២៦ឆ្នាំបានប្រកាសមានផ្ទៃពោះកាលពីខែមុនលើបណ្ដាញសង្គម Instagram។ Adam Levineនិងភរិយាបានរៀបការជាមួយគ្នាកាលពីឆ្នាំ២០១៤៕
ចុចអាន៖Adam Levine ត្រូវបុរសម្នាក់ជះស្ករសដាក់ដោយសារបទ “Sugar”
ប្រែសម្រួល៖ ហេង សុធារិទ្ធិ
ប្រភព៖ intouchweekly
