សមាជិកក្រុម Rainbow និងមិត្តប្រុស ចេញមុខអះអាងពីទំនាក់ទំនងស្នេហ៍
សមាជិកក្រុមច្រៀងស្រី Rainbow នាង Hyunyoung និង លោក Alex បានចេញមុខអះអាងថា ពួកគេពិតជាស្រលាញ់គ្នាមែន ក្រោយធ្លាយព័ត៌មានទាក់ទងគ្នាក្នុងពេលថ្មីៗនេះ។
តារាចម្រៀងសមាជិកក្រុម Rainbow វ័យ ២៤ ឆ្នាំ បានអះអាងពីព័ត៌មាននេះ អំឡុងពេលធ្វើបទសម្ភាសន៍ ជាមួយគេហទំព័រ X Sports News ដោយនិយាយថា ៖"ឥលូវហ្នឹង ពួកយើងស្គាល់គ្នាកាន់តែច្បាស់ហើយ។ [វាពិតណាស់ថា] ពួកយើងកំពុងតែទាក់ទងគ្នា"។
តារាមានប្រភពមកពីទីក្រុង Daegu បន្តថា ទំនាក់ទំនងរបស់ពួកគេ ត្រូវបានគេដឹងជាផ្លូវការមួយខែហើយ បើគិតមកដល់ត្រឹមពេលនេះ ហើយពួកគេកំពុងតែបង្កើតអារម្មណ៍រ៉ូមែនទិក និងភាពស្និទ្ធស្នាល ចំពោះគ្នាបន្ថែមទៀត។
នៅពេលសួរថា តើនាងស្រលាញ់ Alex ទេ? តារារូបស្រស់តប់ទាំងមិនស្ទាក់ស្ទើរថា ៖" ចាស ខ្ញុំស្រលាញ់ [Yes]”។
យ៉ាងណាមិញ DSP Media ភ្នាក់ងាររបស់ Hyunyoung ក៏បានចុះផ្សាយសេចក្ដីថ្លែងផ្លូវការមួយ អំពីរឿងព័ត៌មាននេះដែរ ចំណែក Alex ក៏បាននិយាយពាក្យមួយចំនួន តាមរយៈភ្នាក់ងាររបស់ខ្លួនថា លោកគ្មានអ្វីត្រូវលាក់បាំង សាធារណជនទេ ចំពោះរឿងនេះ។
កាលពីពេលថ្មីៗនេះមានសារព័ត៌មានមួយចុះផ្សាយថា Alex និង Hyunyoung បានទាក់ទងគ្នាអស់រយៈពេល៤ខែមកហើយ៕
៧ សន្លឹកសិចស៊ីពី Jaekyung ល្មមឆក់បេះដូងប្រុសៗបាន
ប្រែសម្រួល៖ អ៊ុំ សុភក្តិ
ប្រភព៖ soompi.
