- 2018-07-27 09:15:00
- ចម្រៀង
តារាចម្រៀងអង់គ្លេសប្រុសសង្ហាៗវ័យក្រោម២៥ឆ្នាំ៥រូប អ្នកគួរតែស្គាល់
- 2018-07-27 09:15:00
- ចំនួនមតិ 0 | ចំនួនចែករំលែក 0
តារាចម្រៀងអង់គ្លេសប្រុសសង្ហាៗវ័យក្រោម២៥ឆ្នាំ៥រូប អ្នកគួរតែស្គាល់
ចន្លោះមិនឃើញ
ដោយសារតែពេលវេលាចេះតែរំកិលទៅមុខ ដូច្នេះក្នុងវិស័យសិល្បៈតែងតែទាមទារនូវទេពកោសល្យថ្មីៗ ដើម្បីបំពេញតម្រូវការរបស់អ្នកគាំទ្រ។ ជាក់ស្ដែងតារាចម្រៀងទាំង៥រូបនេះ សុទ្ធតែទើបបង្ហាញខ្លួនក្នុងវិស័យសិល្បៈ ទោះបីជាមិនសូវជាលេចធ្លោខ្លាំងប៉ុន្មាន ប៉ុន្តែពួកគេអាចមានឱកាសក្លាយជាតារានាំមុខ នៅថ្ងៃខាងមុខ។ តារាម្នាក់ៗសុទ្ធតែមានស្ទីលតន្ត្រីនិងសម្រស់ស្រស់សង្ហាម្យ៉ាងៗម្នាក់ អាចធ្វើឲ្យភាពល្បីល្បាញរបស់ពួកគេ កាន់តែកើនឡើងក្នុងពេលខាងមុខ។
តោះ! មកស្គាល់ពួកគេទាំងអស់គ្នា!
១. Lauv
Lauv មានឈ្មោះពិតប្រាកដថា "Ari Staprans Leff” ជាតារាចម្រៀងនិងអ្នកនិពន្ធចម្រៀងសញ្ជាតិអាមេរិកមួយរូប។ តារារូបនេះមានវ័យ ២៣ឆ្នាំ នឹងចាប់ផ្ដើមល្បីឈ្មោះតាមរយៈបទចម្រៀងដូចជា "I Like Me Better” និងថ្មីៗនេះបទ "Paris In The Rain”។ Lauv គឺជាតារាចម្រៀងដែលមានសំឡេងស្រទន់ ហើយនិពន្ធបទចម្រៀងភាគច្រើនរៀបរាប់ពីសេចក្ដីស្នេហាលន្លង់លន្លោច។
២. Bazzi
មិនខុសពី Lauv ប៉ុន្មាន Andrew Bazzi វ័យ ២០ឆ្នាំក៏ជាតារាចម្រៀងម្នាក់ ដែលនិពន្ធចម្រៀងដោយខ្លួនឯង។ បទចម្រៀង "Mine” របស់លោកបញ្ចេញកាលពីខែតុលាឆ្នាំ ២០១៧ ទទួលបានការពេញនិយមយ៉ាងខ្លាំង នៅដើមឆ្នាំ២០១៨ ដោយត្រូវបានគេប្រើប្រាស់នៅក្នុងបណ្ដាញសង្គម Snapchat ទៀតផង។ បន្ទាប់មកតារារូបនេះក៏មានលទ្ធភាពបញ្ចេញអាល់ប៊ុមដំបូងខ្លួន "Cosmic" ដែលក្នុងនោះមានសុទ្ធសឹង តែបទចម្រៀងពីរោះៗ។
៣. Alec Benjamin
Alec Benjamin ជាតារាចម្រៀងសញ្ជាតិអាមេរិក វ័យ២៤ឆ្នាំ ដែលល្បីឈ្មោះតាមរយៈបទចម្រៀងដូចជា "Let Me Down Slowly”, “End Of The Summer” និង "Paper Crown” ជាដើម។ មិនខុសពីតារាចម្រៀងទាំងពីរខាងលើ Alec ក៏និពន្ធបទចម្រៀងដោយខ្លួនឯងដូចគ្នា។
៤. Troye Sivan
Troye ជាតារាចម្រៀងសញ្ជាតិអូស្ត្រាលីប៉ុន្តែមានដើមកំណើតពីអាហ្វ្រិកខាងត្បូង។ តារាចម្រៀងរូបនេះល្បីឈ្មោះតាមរយៈបណ្ដាញសង្គមវីដេអូ YouTube និងសមត្ថភាពច្រៀងនិងនិពន្ធបទចម្រៀងរបស់ខ្លួន។ គិតមកដល់ពេលនេះ Troye មានបទចម្រៀងល្បីៗជាច្រើនដូចជា "Wild”, “Youth” និង "Dance To This ft. Ariana Grande” ជាដើម។
៥. Austin Mahone
Austin ចាប់ផ្ដើមច្រៀងតាំងពីវ័យ ១៤ឆ្នាំមកម្ល៉េះ ដោយបានបង្ហោះវីដេអូច្រៀងជាច្រើនទៅកាន់បណ្ដាញសង្គម YouTube។ ពេលនេះ Austin មានវ័យ ២២ឆ្នាំនិងក៏ជាតារាមានភាពល្បីល្បាញមិនធម្មតាផងដែរ។ តារារូបសង្ហានេះធ្លាប់ត្រូវប្រៀបធៀបជាមួយ Justin Bieber ជាច្រើនដង ដោយសារតែមានមុខមាត់ស្រដៀងគ្នា។ Austin Mahone មានបទចម្រៀងល្បីៗដូចជា "Say You're Just A Friend” និង "What About Love” ជាដើម។
