- 2018-11-29 07:54:18
- ព័ត៌មាន
ថាម៉េច Hailey វះកាត់មុខមាត់ឲ្យដូច Selena ដើម្បីចងចិត្ត Justin?
- 2018-11-29 07:54:18
- ចំនួនមតិ 0 | ចំនួនចែករំលែក 0
ថាម៉េច Hailey វះកាត់មុខមាត់ឲ្យដូច Selena ដើម្បីចងចិត្ត Justin?
ចន្លោះមិនឃើញ
ត្បិតបច្ចុប្បន្ន Hailey បានសំណព្វចិត្ត Justin នៅជិតគ្រប់ពេលមែន ប៉ុន្តែអ្នកគាំទ្រដែលតាមដានទំនាក់ទំនងរបស់អ្នកទាំង ២នៅតែមិនអស់ចិត្ត ពី Justin ដែលនៅតែបន្សល់រូបភាព Selena ក្នុងបេះដូងនៅឡើយ។ ដោយសារបែបនេះហើយ ទើបវាអាចបង្កជាហេតុផលមួយ ជម្រុញចិត្ត Hailey ដែលជាគូស្នេហ៍បច្ចុប្បន្នចង់ធ្វើយ៉ាងណាឲ្យដូច Selena។
បើតាមប្រភពពី NW បានឲ្យដឹងថា Hailey ចំណាយប្រាក់ជាង ៤០ ០០០ដុល្លារ ដើម្បីវះកាត់កែសម្ផស្សឲ្យដូចគ្នាបេះបិទនឹង Selena Gomez។ ក្នុងនោះនាងនឹងកែតាំងពីច្រមុះ បបូរមាត់ ចង្ការ និងចិញ្ចើមជាដើម។
ប្រភពដដែលបានបន្តទៀតថា បើទោះបី Hailey នៅមន្ទិលខ្វល់ចិត្តជាមួយ Selena ប៉ុន្តែនាងត្រូវតែធ្វើរឿងមួយនេះ ក្នុងបំណងតែមួយ គឺធ្វើយ៉ាងណារក្សាបុរសសំណព្វចិត្តរបស់ខ្លួនកុំឲ្យមានចិត្តវៀចវេរនៅពេលខាងមុខ។
ប៉ុន្តែ ទោះជាយ៉ាងណា ក៏មានសេចក្ដីរាយការណ៍មកថា ការលើកឡើងរបស់ NW គឺខុសពីការពិតទាំងស្រុង។ ដូចកាលពីថ្មីៗនេះ ទាំង Justin និង Hailey ពិតជារីករាយនឹងជីវិតគូរបស់ពួកគេណាស់។ ម្យ៉ាងពាក់ព័ន្ធនឹងពាក្យលេចឮដែលថា Hailey កែមុខនោះ ក៏មិនពិតដែរ មានន័យថាពីមុនយ៉ាងណា ពេលនេះនៅតែដដែល មិនដូចអ្វីដែលវិបសាយនោះផ្សាយឡើយ៕
