- 2019-10-18 06:22:35
- ព័ត៌មាន
ការបាត់បង់ Sulli មនុស្ស ៣នាក់ដែលអ្នកគាំទ្របារម្ភជាងគេគឺ Taeyeon, IU និង Krystal
- 2019-10-18 06:22:35
- ចំនួនមតិ 0 | ចំនួនចែករំលែក 0
ការបាត់បង់ Sulli មនុស្ស ៣នាក់ដែលអ្នកគាំទ្របារម្ភជាងគេគឺ Taeyeon, IU និង Krystal
ចន្លោះមិនឃើញ
ចាប់តាំងពីថ្ងៃទី ១៤ ខែតុលា វិស័យ K-Pop ពិតជាប្រមូលផ្ដុំទៅដោយព័ត៌មានសោកសៅ និងស្ដាយនៃការបាត់បង់តារាស្រីវ័យក្មេងគួរឲ្យស្រឡាញ់ Sulli ក្រោយពីនាងបានសម្រេចបញ្ចប់ជីវិតលាអ្វីគ្រប់យ៉ាងទៅកាន់ពិភពមួយផ្សេងទៀត។
ការបាត់បង់នេះ ពិតជាបន្សល់នូវការអាឡោះអាល័យជាពន់ពេកពីសំណាក់ក្រុមគ្រួសារ មិត្តភ័ក្តិ និងអ្នកគាំទ្រទាំងអស់។ ប៉ុន្តែដោយសារភាពគួរឲ្យស្រឡាញ់ ចរិតស្លូតបូតរបស់នាង នោះគ្មានថ្ងៃដែលគ្រប់គ្នាបំផ្លេចនាងបានឡើយ។
ដោយឡែក ដោយសារមរណភាពរបស់ Sulli មហាជនពិតជាកាន់តែផ្ដោតការបារម្ភចំពោះសុខភាព និងផ្លូវចិត្តរបស់តារាស្រី ៣នាក់ដែលសុទ្ធសឹងជាមិត្តល្អរបស់នាងណាស់ រួមមាន Taeyeon, IU និង Krystal។
១. មិត្តភាពជាមួយ Taeyeon
សម្រាប់ Taeyeon គឺជាមនុស្សម្នាក់ដែល Sulli ចាត់ទុកថាជាបងស្រីដ៏ល្អ។ ពួកគេតែងផ្ដល់ក្ដីស្រឡាញ់ និងការគាំទ្រគ្នាទៅវិញទៅមកមិនដែលខាន បើទោះរវល់ការងាររៀងខ្លួនក៏ដោយ។
ទាំង២នាក់នេះ ស្និទ្ធនឹងគ្នាតាំងពីនៅជាអ្នកហ្វឹកហាត់ចំណូលថ្មីម្ល៉េះ ហើយពួកគេស្រឡាញ់រាប់អាន និងមើលថែគ្នាបានយ៉ាងល្អ និងកាន់តែល្អមកទល់ថ្ងៃដែល Sulli ឃ្លាតឆ្ងាយ។ Taeyeon គឺជាមនុស្សម្នាក់ដែលគ្រប់គ្នាបារម្ភខ្លាំងជាងគេ ព្រោះត្រឹមរយៈពេល ២ឆ្នាំសោះ នាងបាត់មនុស្សល្អដល់ទៅ ២នាក់ គឺ Jonghyun និង Sulli។ ម្យ៉ាង នាងក៏ជាតារាស្រីដែលធ្លាប់រងនូវការវាយប្រហារពីជំងឹបាក់ទឹកចិត្តដែរ។
ទស្សនាវីដេអូខាងក្រោម កាន់តែច្បាស់ថាពួកគេស្រឡាញ់គ្នាយ៉ាងណា៖
២. មិត្តភាពជាមួយ IU
ងាកចូល IU វិញ ក៏ជាមិត្តល្អរបស់ Sulli ដែរ ពួកគេរាប់អានគ្នា ៨ឆ្នាំមកហើយ។ មិត្តភាពតារាស្រីទាំង ២ក៏អង្រួនចិត្តរបស់មហាជនឲ្យរំភើបខ្លាំងដែរ ដោយសារពួកគេតែងគាំទ្រ លើកទឹកចិត្តគ្នារហូត។
IU តែងនៅក្បែរផ្ដល់កម្លាំងចិត្តដល់ Sulli ក្នុងកាលៈទេសៈលំបាកពីព្យុះព័ត៌មានអាស្រូវផ្សេងៗ ពិសេសនាងថែមទាំងខំនិពន្ធបទចម្រៀងជូនសម្រាប់មិត្តល្អម្នាក់នេះទៀត។ ម្យ៉ាងថ្មីៗ Sulli ក៏ត្រូវបានជ្រើសឲ្យចូលសម្ដែងក្នុងរឿងភាគ "Hotel Del Luna” ជាមួយ IU ដែរ ក្នុងនាមជាតួពិសេស ត្បិតបង្ហាញខ្លួនក្នុងរយៈពេលខ្លីក៏ដោយ។ ដោយឡែក បន្ទាប់ពីចប់ការងារសម្ដែង IU ក៏ត្រៀមនឹងបញ្ចេញអាល់ប៊ុមថ្មីដែរ ប៉ុន្តែត្រូវផ្អាកសិន ដោយសារមិត្តល្អទទួលមរណភាព តើនាងពិបាកចិត្តយ៉ាងណា? មួយវិញទៀត នាងក៏រងនូវមតិរិះគន់ពីអ្នកគាំទ្រមួយចំនួន ដោយសារភាពស្ងប់ស្ងាត់លើបណ្ដាញសង្គម ដោយមិនមានប្រតិកម្មទាក់ទងនឹងមរណភាពរបស់ Sulli ដែរ។ ប៉ុន្តែក្រោយមកការពិតត្រូវបានបង្ហាញខ្ទេច មានន័យ IU នេះហើយដែលជាអ្នកនៅជាប់ Sulli ជាប់មិនទៅណាក្នុងរយៈ ៣ថ្ងៃនៃបុណ្យសព នេះក៏ព្រោះទឹកចិត្តក្នុងនាមជាមិត្តល្អ ដែលនាងចង់ផ្ដល់ឲ្យមិត្តដល់នាទីចុងក្រោយ។
វីដេអូកាល IU និង Sulli ធ្វើជា MC រួមគ្នា៖
៣. មិត្តភាពជាមួយ Krystal
ចុងក្រោយគេ គឺ Krystal បងប្អូនរួមក្រុម f(x) ដែលកម្សត់កម្រជាមួយគ្នាតាំងពីក្រុមមិនទាន់បង្កើត រហូតមានភាពល្បីរន្ទឺ។
Krystal ជាសមាជិកដែលស្និទ្ធនឹង Sulli ជាងគេក្នុងចំណោមសមាជិករួមក្រុមទាំងអស់ទាំងនៅលើឆាក និងក្រោយឆាក។ ច្បាស់ណាស់ ដំណឹងអកុសលនេះពិតជាធ្វើឲ្យ Krystal ស្លុតចិត្តខ្លាំង ព្រោះរឿងមិនល្អបែរជាមកប៉ះចំមិត្តកម្សត់របស់ខ្លួនម្នាក់នេះទៅវិញ។ ភាពស្និទ្ធស្នាលរបស់តារាស្រីទាំង ២ពិតជាមានទំហំធំធេង ដល់ថ្នាក់ Krystal ធ្លាប់និយាយថា មិនបាច់និយាយ មើលតែខ្សែភ្នែកក៏ដឹងថាពួកគេមានអារម្មណ៍យ៉ាងណា។ នាងសប្បាយចិត្តដែលមានមិត្តល្អដូច Sulli ហើយពួកគេសន្យារាប់អានគ្នាឲ្យបានយូររហូតដល់ក្លាយជា លោកយាយ ប៉ុន្តែបំណងរបស់ Krystal ត្រូវបានបញ្ចប់ហើយពេលនេះ នៅសល់តែអនុស្សាវរីយ៍ល្អៗដែលពួកគេបានធ្វើជាមួយគ្នាកន្លងមកប៉ុណ្ណោះដែលនៅកំដរនាង៕