- 2020-01-13 03:31:50
- ព័ត៌មាន
បុគ្គលិកអាកាសយានដ្ឋានត្រូវគេបញ្ឈប់ការងារ ព្រោះលួចថតលិខិតឆ្លងដែន Chanyeol និង Sehun
- 2020-01-13 03:31:50
- ចំនួនមតិ 0 | ចំនួនចែករំលែក 0
បុគ្គលិកអាកាសយានដ្ឋានត្រូវគេបញ្ឈប់ការងារ ព្រោះលួចថតលិខិតឆ្លងដែន Chanyeol និង Sehun
ចន្លោះមិនឃើញ
បុគ្គលិកបម្រើការងារនៅអាកាសយានដ្ឋាននៅប្រទេសវៀតណាម បានរងនូវការរិះគន់យ៉ាងចាស់ដៃ ដោយសារតែបានលួចថតលិខិតឆ្លងដែន (Passport) របស់ Chanyeol និង Sehun បង្ហាញលើបណ្ដាញសង្គម។
កាលពីថ្ងៃទី ១១ ខែមករា រូបភាពលិខិតឆ្លងដែនរបស់ Sehun និង Chanyeol សមាជិកក្រុម EXO បានក្លាយជាប្រធានបទក្ដៅគគុកពេញបណ្ដាញសង្គម ដោសសារស្នាដៃរបស់បុគ្គលិកធ្វើការនៅព្រលានយន្តហោះប្រទេសវៀតណាម ហើយព័ត៌មានផ្សេងៗក្នុងនោះ ក៏ត្រូវបានបែកធ្លាយខ្ទេច។ តាមការឲ្យដឹង អ្នកបម្រើការងាររូបនោះ បានលួចថត និងផ្ញើឲ្យមិត្តភ័ក្ដិរបស់ខ្លួន ហើយភ្លាមៗព័ត៌មានក៏ត្រូវបានរកឃើញពេញនោះ តាមរយៈការចែកចាយតៗគ្នា។
ដោយឡែក ក្រោយមកទៀតក៏មានការផ្សាយព័ត៌មានថា បុគ្គលិកដដែលនោះ បានធ្វើការសុំទោសជាសាធារណៈលើបណ្ដាញសង្គម ដោយបាននិយាយថា៖ «ខ្ញុំបានផ្ញើរូបនោះ ឲ្យមិត្តភ័ក្ដិរបស់ខ្ញុំដែលជាអ្នកគាំទ្ររបស់ EXO ហើយខ្ញុំមិនដឹងទេថា វាត្រូវបែកធ្លាយលឿនពេញអ៊ីនធើណិតបែបនេះ។ ខ្ញុំសូមសម្ដែងការសោកស្ដាយ និងសុំទោសចំពោះអ្នកគាំទ្រ EXO ទាំងអស់»។ យ៉ាងណាមិញ ក្រោយមក គណនីរបស់បុរសម្នាក់នោះក៏ត្រូវលុបចោលបាត់ស្រមោលតែម្ដង។ ជាមួយគ្នានោះ ប្រភព ព័ត៌មានក៏បានឲ្យដឹងដែរថា បុគ្គលិកដដែលនោះត្រូវគេបណ្ដេញចោលហើយ ហើយភ្នាក់ងារប៉ូលីសក៏កំពុងសាកសួរជនបុគ្គលនោះ និងឃុំខ្លួនបណ្ដោះអាសន្នដែរ៕