- 2020-01-20 04:05:25
- ព័ត៌មាន
ហេតុផល ៧យ៉ាង ដែលអ្នកគាំទ្រស្រឡាញ់ Chen និងលើកជាសមាជិកចរិតល្អ
- 2020-01-20 04:05:25
- ចំនួនមតិ 0 | ចំនួនចែករំលែក 0
ហេតុផល ៧យ៉ាង ដែលអ្នកគាំទ្រស្រឡាញ់ Chen និងលើកជាសមាជិកចរិតល្អ
ចន្លោះមិនឃើញ
ចាប់តាំងពីបង្ហាញមុខជាផ្លូវការជាសមាជិក EXO ក្រុមចម្រៀងស្ថិតនៅលំដាប់កំពូលរបស់ SM Chen មិនដែលធ្វើឲ្យអ្នកគាំទ្រខកចិត្តម្ដងណាឡើយ ក្នុងការបង្ហាញអ្វីថ្មី ពិសេសពុះពារគ្រប់ស្ថានភាពលំបាក ដើម្បីតែ Fan។
បន្ទាប់ពីដំណឹងស្នេហាចេញផ្សាយភ្លាម អ្នកគាំទ្រមួយចំនួនតូចប្រែហាក់ដូចជាមិនពេញចិត្ត ស្របពេលអ្នកគាំទ្រជាច្រើនលើសលុបផ្សេងទៀតគាំទ្រ និងសាទរស្នេហារបស់ Chen និងអនាគតភរិយា។ ជាក់ស្ដែងកន្លងមក Chen ត្រូវបានលើកថាជាសមាជិកដែលមានចរិតល្អ ចាស់ទុំ ស្លូតបូត និងតែងមើលថែគេឯងជុំវិញខ្លួនគ្រប់ពេល ប៉ុន្តែដើម្បីកាន់តែច្បាស់ សូមមកដឹងបន្ថែមនូវហេតុផល ៧យ៉ាងដែលអ្នកគាំទ្រផ្ដល់នូវក្ដីស្រឡាញ់ចំពោះសមាជិក EXO រូបនេះគ្មានថ្ងៃប្រែ៖
១. ទឹកចិត្តល្អរបស់ Chen
ជាហេតុផលធំសំខាន់ជាងគេ ដែលនាំឲ្យមនុស្សមិនតិចទេ ស្រឡាញ់ Chen។ សមាជិករួមក្រុមថែមទាំងធ្លាប់បោះឆ្នោតឲ្យ Chen ថាជាសមាជិកចិត្តល្អជាងគេប្រចាំក្រុមទៀត។ កាយវិការចេះចែករំលែក របស់លោកតែងបង្ហាញចេញឯងៗ មិនថានៅមុខកាមេរ៉ា ឬជីវិតពិតទេ។ លើសពីនេះ Chen ក៏តែងបង្ហាញមុខជាញឹកញាប់ក្នុងសកម្មភាពមនុស្សធម៌នៅពេលណាដែលលោកទំនេរពីការងារ។
២. ជាមនុស្សលេងច្រើន
ក្នុងក្រុម មានមនុស្ស៣នាក់ដែលពូកែលេង និងឡូឡាជាងគេគឺ Baekhyun Chanyeol និង Chen នេះឯង។ បើនៅទីណាខ្វះពួកគេទាំង ៣នោះបរិយាកាសអាចនឹងស្ងាត់ ប៉ុន្តែបើអ្នកទាំង ៣ជុំគ្នា នោះភាពសប្បាយរីករាយនឹងផ្ទុះឡើងជាក់ជាមិនខាន។ អ្វីដែលសំខាន់ បើគិតពីអ្នកពូកែសើចឮ ក៏គ្មានអ្នកណាក្រៅពី Chen ជាពិសេសលោកក៏ពូកែច្រឡោតបែបកំប្លែងដែរ នាំឲ្យសមាជិករួមក្រុមសើចតាមរហូត។
៣. សមត្ថភាពតែងចម្រៀង
មិនត្រឹមតែពូកែស្រែកច្រៀង និងរាំទេ Kim Jong Dae ក៏មានទេពកោសល្យខាងសរសេរបទចម្រៀងដែរ។ ឧទាហរណ៍ត្រួសៗបទ "Touch It”, “Light Out” និង "She's Dreaming” របស់ EXO គឺសុទ្ធតែជាស្នាដៃសរសេររបស់ Chen។
៤. ចូលចិត្តការពារអ្នកនៅជិតខ្លួន
Chen អាចជាអ្នកដែលចូលចិត្តលេងច្រើន ប៉ុន្តែតាមពិតទៅបុរសម្នាក់នេះចូលចិត្តយកចិត្តទុកដាក់គេឯងណាស់។ បើសិនជាអ្នកជាអ្នកគាំទ្រ EXO តាំងពីដើម ឬធ្លាប់ទស្សនាកម្មវិធី EXO Showtime នោះអ្នកនឹងបានឃើញភាគ១ ដែល Chen និង D.O ស្ម័គ្រចិត្តចេញទៅក្រៅផ្ទះអត់ទ្រាំនឹងអាកាសធាតុត្រជាក់និយាយចេញផ្សែង ដើម្បីអាំងសាច់ឲ្យសមាជិករួមក្រុមដទៃទៀតញ៉ាំ។ មួយទៀត លោកក៏តែងយកចិត្តទុកដាក់ ថែមទាំងពូកែគោរពចំពោះក្រុមការងារថតគ្រប់ពេល។
៥. ទង្វើដែល Chen ថែអ្នកគាំទ្រ
គ្រប់ពេលដែលមានការជួបជុំជាមួយអ្នកគាំទ្រ Kim Jong Dae តែងមើលភ្នែកអ្នកគាំទ្ររបស់ខ្លួនចំៗ ជាមួយស្នាមញញឹម និងនិយាយជាមួយយ៉ាងជិតស្និទ្ធ ព្រោះលោកដឹងច្បាស់ថាតើពេលបែបនេះសំខាន់បែបណាសម្រាប់ Fan។
៦. ស្នាមញញឹមគួរឲ្យស្រឡាញ់
ថ្វីត្បិតកម្រត្រូវបានជ្រើសថាជាសមាជិកសង្ហាដាច់គេក្នុងក្រុម ប៉ុន្តែ Chen មានស្នាមញញឹម Cute តាមរយៈបបូរមាត់របស់លោក ជាស្នាមញញឹមបង្កប់ភាពផ្អែមល្ហែម និងភាពស្មោះត្រង់។
៧. កំលាំងសំឡេងដ៏ខ្លាំង
សមាជិកកើតឆ្នាំ ១៩៩២រូបនេះ ត្រូវបានគេលើកថាជា តារាចម្រៀងលំដាប់កំពូលម្នាក់ប្រចាំពិភព K-Pop ដោយសារសំលេងដ៏មានទឹកដម និងកំលាំងខ្លាំងក្លារបស់លោក។ មិនថា High Note និង Low Note តារាប្រុសម្នាក់នេះទៅរួចទាំងអស់ដោយគ្មានពាក្យថាពិបាកឡើយ។
