បង្ហាញតួសំខាន់ៗក្នុងរឿងភាគត្រៀមជាពិសេស «The King: Eternal Monarch»

2020-03-19 06:24:26
ព័ត៌មាន

2020-03-19 06:24:26
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនទាន់ដល់ថ្ងៃបញ្ចាំងទេ ប៉ុន្តែរឿងភាគ «The King: Eternal Monarch» បានក្លាយជាប្រធានបទក្ដៅគគុក និងត្រូវបានគេលើកយកមកនិយាយជាប់នៅបច្ចុប្បន្ននេះ។ អ្វីដែលសំខាន់តួក្នុងរឿងក៏សុទ្ធតែល្បីៗ ហើយត្រូវបានគេជឿថាពេលចេញផ្សាយផ្លូវការ នឹងមានការគាំទ្រខ្លាំងជាក់ជាមិនខាន។

ពេលនេះសូមបង្ហាញតួប្រុសស្រីសំខាន់ៗក្នុងរឿងដែលមានដូចជា៖

១. Lee Minho

រាល់ពេលដែល Minho ចេញមុខម្ដងៗ លោកតែងនាំសំណាងឲ្យរឿង ដោយសារមានអ្នកគាំទ្រជាច្រើន ហើយរឿងដែលលោកសម្ដែងភាគច្រើន មានសាច់រឿងសុទ្ធតែចាប់ចិត្តអ្នកទស្សនាឲ្យតាមដានគ្រប់ភាគ ដាច់មិនបាន តួយ៉ាងដូចរឿង «Legend Of The Blue Sea» និង «The Heir» ជាដើម។ អ្វីដែលគួរឲ្យចាប់អារម្មណ៍គ្រប់រឿងដែលលោកសម្ដែង minho តែងត្រូវប៉ាន់នឹងតួបុរសអ្នកមាន ដូចរឿងថ្មីនេះ លោកត្រូវគ្រងតំណែងជាតួស្ដេចតែម្ដង។

២. Kim Go Eun

ភ្នែកមិនសូវធំ មូលក្រឡង់ដូចគេ ប៉ុន្តែ Go Eun មានសម្រស់ទាក់ទាញ មិនខ្ចីចាស់ ហើយបូកផ្សំនឹងចរិតរហ័សរហួនរបស់នាងទៀត គឺពិតជាស័ក្ដិសមណាស់ សម្រាប់នាង ពេលមកត្រូវដើរតួជាអ្នកស៊ើបការណ៍សំងាត់ដូចក្នុងរឿងនេះ។

៣. Woo Doo Han

តារាប្រុសកើតឆ្នាំ ១៩៩២រូបនេះ ក៏សង្ហាមិនធម្មតាដែរ ទឹកមុខបែបស្ងប់ស្ងាត់របស់ Doo Han ក៏នឹងធ្វើឲ្យអ្នកមើលចាប់អារម្មណ៍មិនចាញ់តួឯកធំទេ។ ជាឧទាហរណ៍ស្រាប់ គ្រាន់តែបង្ហាញឃ្លីប Teaser ថ្មី និងលេចមុខក្នុងវីដអូភ្លាម Doo Han មានអ្នកចាប់អារម្មណ៍ច្រើនសន្ធឹក ហើយនេះក៏ជាអ្វីដែលយលងអាចសន្និដ្ឋានបានថារឿងនេះក៏នឹងធ្វើឲ្យតារាប្រុសរូបនេះរីកមុខថែមមួយកម្រិតលើវិស័យសម្ដែងនៅឆ្នាំថ្មី។

៤. Kim Kyung Nam

ក្រោយទទួលងារថាជា «កំពូលតារាសម្ដែងថ្មី» ប្រចាំឆ្នាំ ២០១៨ អាជីពសម្ដែងរបស់ Kim Kyung Nam ក៏រីកចម្រើន មានឈ្មោះបោះសំឡេងមិនគួរឲ្យជឿ។ មួយវិញទៀតសម្រស់ង្ហាបែបធម្មជាតិរបស់លោក ក៏នៅតែមិនទៅណាឆ្ងាយពីក្រសែភ្នែកនារីៗជាច្រើន ឯការងារវិញក៏ទទួលបានការកោតសរសើរ ទើបនេះក្លាយជាចំណុចមួយសំខាន់ដែលលោកត្រូវតែមានមុខជាដាច់ខាតក្នុងរឿងមួយនេះ ក្នុងនាមជា អ្នកស៊ើបអង្កេតម្នាក់។

៥. Jung Eun Chae

តួរបស់ Eun Chae ក្នុងរឿងនេះក៏ជាតួមិនអាចរំលងដែរ ដោយក្នុងរឿងនេះនាងក៏នឹងមានតួនាទីសំខាន់ជានាយករដ្ឋមន្ត្រីវ័យក្មេងជាងគេក្នុងប្រវត្តិសាស្ត្រកូរ៉េ។ តួរបស់នាង សបញ្ជាក់ពីមនុស្សម្នាក់ដែលមានមហិច្ឆិតាខ្ពស់ អ្នកដែលខំប្រឹង មិនខ្លាចអ្វីគ្រប់យ៉ាងដើម្បី ជោគជ័យ៕