តារា៣រូបសម្រស់ពុំសូវបាន តែបើនិយាយពីគូគ្រងវិញម៉ាអេមហ្មង

2018-03-15 06:44:25
ជីវិតតារា

2018-03-15 06:44:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាតារាកំប្លែងប្រុសស្រី៣រូបនេះមានមាឌតូចល្អិត និងមិនស្រស់ស្អាតទៅតាមការប្រាថ្នាក្ដី តែបើនិយាយពីជីវិតគូរបស់ពួកគេវិញមិនអភ័ព្វឡើយ ផ្ទុយទៅវិញមានតែធ្វើឲ្យមហាជនទាំងក្នុង និងក្រៅសិល្បៈលួចច្រណែន។

១/ ថ្វីត្បិតនាយ ក្រិន មានរូបរាងតូចល្អិតក្ដី តែបើនិយាយពីជីវិតគូវិញគឺសំណាងខ្លាំងណាស់ ព្រោះនាយ មានឱកាសបាននារី រូបស្រស់សោភាដល់ទៅ ២នាក់មកធ្វើជាប្រពន្ធ ដោយភរិយាទី១ឈ្មោះ ឈ្មោះ ហ៊ិន ចាន់ធឿន បានរៀបការត្រឹមត្រូវទៅតាមប្រពៃណីខ្មែរ និងមានការអញ្ជើញចូលរួមពីសំណាក់ភ្ញៀវទាំងក្នុង និងក្រៅសិល្បៈទៀតផង។

នាយ ក្រិន និងភរិយាទី១

ចំណែកឯប្រពន្ធទី២ ឈ្មោះ យ៉ាយ៉ា ចាប់តាំងពីរៀបការបានជាង៥ឆ្នាំមកនេះនាយមានក្ដីសុខយ៉ាងខ្លាំងជាមួយភរិយាទី២ដោយទទួលបានតំណក់ឈាមកូន២នាក់ជាចំណងដៃ គឺប្រុសម្នាក់ ស្រីម្នាក់ ចំណែកភរិយាទី១ របស់លោកក៏ទទួលបានកូនប្រុសម្នាក់ដែរ។

នាយ ក្រិន និងភរិយាទី២រួមទាំងកូន

២/ បើនិយាយពី កន្តុំអ៊ឺត វិញមិនខុសពីនាយ ក្រិន ប៉ុន្មានឡើយ ទោះបីជាមានមាឌតូចល្អិតក្ដីតែនាង មានសំណាងបានរៀបការជាមួយកំលោះសង្ហាវ័យក្មេង ធ្វើឲ្យក្រមុំៗមួយចំនួនដែលមានរូបសម្រស់ស្រស់សោភាលួចច្រណែន នឹងរូបនាងមិនស្ទើរនោះទេ។

កន្ដុំអ៊ឺត និងស្វាមីវ័យក្មេងរូបស្រស់សង្ហាក្នុងថ្ងៃរៀបការ

៣/ ងាកមកចាប់អារម្មណ៍នាយ ចយ វិញមិនមានមាឌតូចល្អិតដូចតារាកំប្លែងទាំងពីរខាងលើនេះគឺនាយ មានរូបរាងសមល្មមទាស់ត្រង់តែមុខមាត់ពុំសូវស្អាតតែប៉ុណ្ណោះ។ ទោះបីជាមុខមាត់ពុំសូវបាន តែបងប្រុស កាចុប រូបនេះមានសំណាងបានរៀបការជាមួយនារី ម្នាក់យ៉ាងស្រស់ស្អាតកាលពីថ្ងៃទី ២៧ ខែ កុម្ភៈ ឆ្នាំ ២០១៨ កន្លងទៅថ្មីៗនេះ ដោយមានការចូលរួមពីមិត្តភ័ក្ដិសិល្បៈ និងកូនប្រុសនាយករដ្ឋមន្ត្រីផងដែរ៕