- 2018-05-22 07:24:48
- ស្ទីលតារា
លើដងខ្លួន ពេជ្រ អាវីហ្សា មានចំណុចពិសេស២ សុទ្ធតែបង្កប់ជំនឿអាថ៌កំបាំង
- 2018-05-22 07:24:48
- ចំនួនមតិ 0 | ចំនួនចែករំលែក 0
លើដងខ្លួន ពេជ្រ អាវីហ្សា មានចំណុចពិសេស២ សុទ្ធតែបង្កប់ជំនឿអាថ៌កំបាំង
ចន្លោះមិនឃើញ
ក្រៅពីស្នាមសាក់យ័ន្ត៨ទិស នៅលើស្មា និងកញ្ចឹងក តារាសាច់សខ្ចីល្បីធ្លាប់រងអំពើហិង្សាពីសំណាក់សង្សារជាច្រើនលើក កញ្ញា ពេជ្រ អាវីហ្សា បានទម្លាយឲ្យដឹងថា នៅលើដងខ្លួននាង មានចំណុចពិសេសមួយទៀតនៅ ដែលចំណុចនោះមានអានុភាពបង្កប់នូវជំនឿ ធ្វើឲ្យមនុស្សដែលស្គាល់នាងចូលចិត្ត លង់ស្នេហ៍ស្ទើរដកខ្លួនមិនរួចនោះឡើយ។
ចំណុចទី១ គឺស្នាមសាក់យ័ន្ត៨ទឹស នៅលើស្មានិងកញ្ចឹងក ដែលស្នាមសាកនេះ អាវីហ្សា បានសាក់ឡើងជាង២ឆ្នាំមកហើយ ។ តាមជំនឿ តារាស្រីរូបនេះ និយាយថា គឺធ្វើឲ្យមនុស្សមានរាសី មានអ្នកតាមការពារ និងធ្វើឲ្យមនុស្សជុំវិញខ្លួនអាណិតស្រលាញ់។ នាងថា តាំងពីនាងសាក់មក ទីផ្សារសិល្បៈរបស់នាងហាក់ដូចប្រសើរឡើង មានគេអាណិតច្រើន ជាក់ស្ដែងដូចកាលដែលនាងមានរឿងជាមួយសង្សាររបស់នាង គឺមានអ្នកជួយជ្រោមជ្រែងច្រើន ហើយចំពោះប្រជាប្រិយភាពរបស់នាង ទោះបីជានាងមិនសូវជាចេញមុខលើវិថីសិល្បៈច្រើនដូចមុនក៏នៅតែទស្សនិកជនមិនភ្លេចមុខ អ្នកសិល្បៈរួមអាជីពក៏ដូចជាអ្នកដឹកនាំសម្ដែងសិល្បៈដែលធ្លាប់រាប់អានធ្វើការជាមួយគ្នា នៅតែរាប់រកគ្នាដដែល។
នាងថា ដោយសារតែ ស្នាមសាក់យ័ន្ត៨ទឹស ដូចដែលនាងបានសាក់ឡើង វាមានសម្រស់ស្រស់ស្អាត ហើយបង្កប់អត្ថន័យផងនោះ បច្ចុប្បន្នមានមនុស្សជាច្រើនបានសាក់ជាមន្តបន្ទាប់។ នាងនិយាយថា ដើម្បីឲ្យស្នាមសាក់យ័ន្ត៨ទឹសខាងលើមាន ប្រសិទ្ធភាព ក៏ត្រូវតមនៅត្រណមជាច្រើនផងដែរ ក្នុងនោះមានហាមយកប្ដីគេ ហាមញ៉ាំសាច់គោ ហាមនៅក្រោមស្នួខោអាវគេជាដើម ។
ចំណុចទី២ គឺ មានចំណុចពិសេសនៅលើដើមទ្រូង។ និយាយដោយមិនលាក់លៀម អាវីហ្សា បានបង្ហើបឲ្យដឹងថា នាងមានប្រជ្រុយពីកំណើតនៅដើមទ្រូងខាងឆ្វេងរបស់ខ្លួន ដែលតាមជំនឿចាស់បូរាណ ថា អ្នកដែលមានប្រជ្រុយនេះគឺជាមនុស្សស្វាក់ឬមនុស្សដែលមានមន្តស្នេហ៍ ប្រុសដែលបាក់ចិត្តស្រលាញ់ហើយ ច្បាស់ជាងើបមុខមិនរួចឡើយ។
អាវីហ្សា សូមបរិយាយពីប្រជ្រុយនេះឲ្យលម្អិតជាងនេះឡើយ នាំឲ្យមាន ប្រិយមិត្តការវិភាគវែងឆ្ងាយ។ ងាកមករឿងស្នេហាវិញ គិតមកដល់ពេលនេះ ពេជ្រ អាវីហ្សា ប្រាប់ថា នាងធ្លាប់មានសង្សាររហូតដល់ទៅ៣នាក់មកហើយ ដោយទំនាក់ទំនងសង្សារនីមួយៗ មិនក្រោយ៣ទៅ៤ឆ្នាំឡើយ។ នាងទើបតែផ្ដាច់ទំនាក់ទំនងស្នេហាជាមួយសង្សារចុងក្រោយ ដែលត្រូវបានគេស្គាល់ថា ជាប្អូនថ្លៃឧកញ៉ាមានឥទ្ធិពលម្នាក់ បន្ទាប់ពីសង្សាររូបនោះបានប្រព្រឹត្តិអំពើហិង្សាមកលើរូបនាងយ៉ាងធ្ងន់ធ្ងរជាញឹកញាប់មក។ បច្ចុប្បន្ននាង បញ្ជាក់ថា មិនទាន់មានសង្សារទៀតនៅឡើយទេ៕
