- 2018-07-02 23:30:00
- ជីវិតតារា
គិតឲ្យច្បាស់បានភ្ញាក់ តារាប្រុសធ្លាប់ទាក់ទងជាមួយ Suzy សុទ្ធតែត្រកូល "Lee"
- 2018-07-02 23:30:00
- ចំនួនមតិ 0 | ចំនួនចែករំលែក 0
គិតឲ្យច្បាស់បានភ្ញាក់ តារាប្រុសធ្លាប់ទាក់ទងជាមួយ Suzy សុទ្ធតែត្រកូល "Lee"
ចន្លោះមិនឃើញ
បន្ទាប់ពីធ្លាយព័ត៌មានបែកបាក់ជាមួយ Lee Dong Wook ភ្លាម ពេលនេះ Suzy ត្រួវរងនូវមតិបង្ខូចបង្អាប់ជាច្រើនដូចព្យុះភ្លៀង។
អ្វីដែលមហាជនភាគច្រើនលើកឡើងនោះ គឺដោយសារតារាប្រុសដែលនាងធ្លាប់ទាក់ទងជាមួយតាំងពីដើមមកនោះ សុទ្ធសឹងមានត្រកូល "Lee” ដូចគ្នាទាំងអស់។ អ្នកទាំងនោះរួមមាន៖
១. តារាសម្ដែង Lee Min Ho
តារាប្រុសដំបូងដែលបានក្លាយជាសង្សាររបស់ Suzy គឺតារាប្រុសលំដាប់ A របស់កូរ៉េ Lee Minho។ អ្នកទាំង ២បានប្រកាសពីទំនាក់ទំនងស្នេហានឹងគ្នាកាលពីខែមីនា ឆ្នាំ ២០១៥។ ប៉ុន្តែទោះបីជាស្រឡាញ់គ្នាក៏ពិតមែន ក៏ Suzy កម្រមានឱកាសរួមការងារ និងជួបគ្នាញឹកញាប់ដែរ។ រហូតដល់ឆ្នាំ ២០១៧ ស្នេហាមួយនេះក៏ត្រូវបញ្ចប់។
២. តារាសម្ដែង Lee Jong Suk
ក្នុងខែកញ្ញា ឆ្នាំ ២០១៤ មានពាក្យចចាមងារ៉ាមថា Lee Jong Suk និង Suzy លួចទាក់ទងគ្នាស្ងាត់ៗ។ ទោះជាយ៉ាងណា វិបសាយ Dispatch ក៏បានផ្សាយបកស្រាយថា អ្នកទាំង ២មិនបានទាក់ទងគ្នាដូចពាក្យលេចឮនាពេលនោះទេ។ ប៉ុន្តែដំណឹងនេះដដែលស្រាប់តែលេចឡើងជាថ្មី ក្រោយ តារាប្រុសស្រីទាំង២ សម្ដែងរឿងរួមគ្នាមានចំណងជើងថា "While You Were Sleeping” និងកាន់តែធ្ងន់ធ្ងរ គឺនៅពេល Suzy និង Minho ចែកផ្លូវគ្នាដើរ។ ក្រោយមកព័ត៌មាននេះក៏ស្ងាត់ទៅវិញ ព្រោះគ្មានតម្រុយ និងមូលដ្ឋានគ្រឹះច្បាស់លាស់។
៣. តារាសម្ដែង Lee Dong Wook
កាលពីខែមីនា ឆ្នាំ ២០១៨នេះ ស្រាប់តែផ្ទុះព័ត៌មានថា Dong Wook និង Suzy បានទាក់ទងស្រឡាញ់គ្នា បង្កឲ្យកក្រើកពិភពសិល្បៈខ្លាំង។ ផ្អែកតាមប្រព័ន្ធផ្សព្វផ្សាយបានឲ្យដឹងថា ពួកគេទាំង ២ខំលួចជួបគ្នាស្ងាត់ៗលាក់ភ្នែកមហាជនណាស់។ ទោះបីគម្លាតអាយុនៅឆ្ងាយពីគ្នាក៏ពិតមែន ប៉ុន្តែវាមិនមែនជាឧបសគ្គក្នុងរឿងស្នេហានេះទេ។ លោកតែងយកចិត្តទុកដាក់ និងបារម្ភ Suzy គ្រប់ពេល ប៉ុន្តែនៅទីបំផុត ស្នេហាដែលមានអាយុកាលជាង ៤ខែនេះក៏ត្រូវបញ្ចប់ ក្រោមហេតុផល រវល់រៀងៗខ្លួន។
ក្រោយដំណឹងបែកបាក់ជាមួយ Lee Dong Wook កើតឡើងភ្លាម មហាជនជាច្រើននាំគ្នាលើកសំណួរថាតើតារាប្រុសត្រកូល "Lee” រូបណាទៀតទៅដែលអាចឆក់យកបេះដូងស្រីស្អាត Suzy បាន ហើយតើអ្នកណាដែលត្រូវជាប់ព័ត៌មានស្នេហាជាមួយនាងទៀតនៅថ្ងៃខាងមុខ? ពិតណាស់អ្នកដែលគ្រប់គ្នានឹកដល់មុនគេ គឺតារាសម្ដែង Lee Seung Gi។
មូលហេតុពីក្រោយ ក៏ដោយសារបច្ចុប្បន្ន លោកនិង Suzy កំពុងថតរឿងជាមួយគ្នា ដូចនេះវាអាចភាគរយខ្ពស់ក្នុងការធ្វើឲ្យពួកគេរងនូវពាក្យចចាមអារ៉ាមស្នេហានឹងគ្នាបាន៕