- 2018-08-24 02:50:00
- ព័ត៌មាន
ក្រោយក្រសួងត្រៀមហៅទៅណែនាំ អ្នកសិល្បៈពាក់ព័ន្ធ ចេញសារប្រតិកម្ម
- 2018-08-24 02:50:00
- ចំនួនមតិ 0 | ចំនួនចែករំលែក 0
ក្រោយក្រសួងត្រៀមហៅទៅណែនាំ អ្នកសិល្បៈពាក់ព័ន្ធ ចេញសារប្រតិកម្ម
ចន្លោះមិនឃើញ
បន្ទាប់ពីក្រសួងវប្បធម៍និង វិចិត្រសិល្បៈបានកំណត់ឈ្មោះតារាដែលត្រូវចូលខ្លួនមកធ្វើការណែនាំ លោក អែន ឌី អ្នកនាង ស្រីម៉ុច និងកញ្ញា ពេជ្រ អាវីហ្សា បានបង្ហោះសារប្រតិកម្មនឹងចំណាត់ការរបស់ក្រសួង។
ក្នុងនោះ លោក អែនឌី បានបញ្ចេញមតិថា ការងារសិល្បៈរបស់លោកមួយរយៈ នេះមិនដែលមានភាពសិចស៊ីទេ ហើយ MV ពីរបទថ្មីចុងក្រោយរបស់លោក ក៏មិនបញ្ចូលកាយវិការសិចស៊ីដូចមុនដែរ។ ប៉ុន្តែហេតុអ្វី លោកនៅតែខុសទៀត?
ចំណែក អ្នកនាង ស្រីម៉ុច វិញ ក៏បានបញ្ចេញសារទាក់ទងនឹងចំណាត់ការមួយនេះដែរ។ អ្នកម្ដាយកូនបីរូបនេះ ចង់ឲ្យគ្រប់គ្នាងាកមកគិតរឿងការពារសិទ្ធសេរីភាពប្រជាពលរដ្ឋដែលងាយនឹងរងគ្រោះ ទប់ស្កាត់ការជួញដូរគ្រឿងញៀន ការជួញដូរមនុស្ស និងជួយការពារទ្រព្យសម្បត្តិជាតិខ្មែរ ប្រសើរជាង។ ចំពោះអ្នកនាង បញ្ជាក់ថា មានភាពសិចស៊ីតាំងពីមិនទាន់ក្លាយជាតារាមកម្ល៉េះ រហូតមកដល់ពេលនេះ ក៏នៅតែស្រលាញ់ភាពសិចស៊ីដែរ។ អ្នកនាងបានបន្ថែមថា ៖ " ដូចខ្ញុំបានជំរាប នៅក្នុង account របស់ខ្ញុំចឹង នៅមានតារាជើងចាស់ ហើយនឹង តារាចាស់ជរាជាច្រើនត្រូវការជំនួយសុំយកពេលទៅជួយពួកគាត់ផង សុំកុំប្រើពាក្យថាគាត់ជាអតីតតារា អោយសោះ ។ ដឹងទេថាអំពើដែលអ្នកធ្វើមកលើខ្ញុំទាំងទទឹងទិស វាមានផលប៉ះពាល់អ្វីខ្លះ បើសិនប៉ះអ្នកខ្លះដែលគ្នាមាន ទឹកចិត្តទុនខ្សោយខាងស្មារតី តើនឹងមានរឿងអីកើតឡើង ？ អ្នកបានយកជីវិតខ្ញុំទៅជជែកវែកញែកអោយអ្នកមិនយល់មកជេរបញ្ចោរខ្ញុំ ដល់ម៉ែឪបងប្អូនខ្ញុំ ដៀលខ្ញុំសុទ្ធតែលក់ខ្លួន ជេរដល់កូនរបស់ខ្ញុំ ដោយខ្ញុំមិនបានទៅធ្វើអ្វីខុសនឹងច្បាប់សោះ ។ ខ្ញុំចូលចិត្តសិចស៊ីអ្នកដែលមិនពេញចិត្តកុំមើលទៅបានហើយ ខ្ញុំនៅផ្ទះខ្ញុំ ខ្ញុំពាក់ក្នុងកម្មវិធីរបស់ខ្ញុំ ខ្ញុំ post ក្នុង Facebook របស់ខ្ញុំ ហាហា ចង់សើចខ្ញុំខុសដែរ ? Ok ខ្ញុំមិនអាចហាមអ្នកណាម្នាក់មិនអោយបញ្ចេញ មតិយោបល់នៅអ្វីដែលគេមិនពេញចិត្តនោះទេ តែសុំម៉្យាងកុំប្រើពាក្យថាខ្ញុំជាតារា។ សុំជំរាបជាលើកចុងក្រោយ ស្រីម៉ុចនៅតែជាស្រីម៉ុច មិនថាស្លាប់ទៅជាខ្មោចក៍នៅតែសិចស៊ី ។ 2018 ហើយ ណាចា"។
រីឯ កញ្ញា រតនៈ ពិសី វិញ ក៏បានបញ្ចេញប្រតិកម្មនៅលើបណ្តាញសង្គមរបស់ខ្លួន ទាក់ទងនឹងវិធានការរបស់ក្រសួងដែរ។ ចំពោះកញ្ញា ពេជ្រ អាវីហ្សា វិញ មិនបានបញ្ចេញសារវែងអន្លាយអ្វីនោះទេ គ្រាន់តែបង្ហាញពីអារម្មណ៍ហួសចិត្តនឹងវិធានការរបស់ក្រសួង មកលើខ្លួនប៉ុណ្ណោះ។
គួរបញ្ជាក់ថា ឯកឧត្ដម ចំរើន វ៉ាន់ថា ទីប្រឹក្សាក្រសួងវប្បធម៌ និងវិចិត្រសិល្បៈ បានប្រាប់ថា លោក អែន ឌី កញ្ញា ពេជ្រ អាវីហ្សា កញ្ញា រតនៈ ពិសី និង អ្នកនាងស្រីម៉ុច ត្រូវជាប់ក្នុងបញ្ជីខ្មៅរបស់ក្រសួង ពីបញ្ហារឿងសិចស៊ីជ្រុលក្នុងពិភពសិល្បៈ ដោយក្រសួងគ្រោងនឹងកោះហៅមកណែនាំនៅសប្ដាហ៍ក្រោយ៕
