- 2018-09-27 02:45:00
- ចម្រៀង
តារាស្រីវ័យក្មេង៣រូប យកលុយធ្វើបទចម្រៀង ទាក់ចិត្តអ្នកស្ដាប់រហូតល្បីល្បាញ
- 2018-09-27 02:45:00
- ចំនួនមតិ 0 | ចំនួនចែករំលែក 0
តារាស្រីវ័យក្មេង៣រូប យកលុយធ្វើបទចម្រៀង ទាក់ចិត្តអ្នកស្ដាប់រហូតល្បីល្បាញ
ចន្លោះមិនឃើញ
លុយ ត្រូវបានតារាចម្រៀងជើងចាស់ និងសម័យថ្មី ច្រើនរូប យកមកធ្វើអត្ថន័យចម្រៀង និងដាក់ចំណងជើងប្លែកៗគ្នា គួរឲ្យចាប់អារម្មណ៍។ ក្នុងនោះមានដូចជា ៖
អ្នកនាង ប៉ែន រ៉ន
បទចម្រៀង "លុយទិញស្នេហា" ជាសំនៀងរបស់ អ្នកនាង ប៉ែន រ៉ន ដែលមិនត្រឹមល្បីល្បាញនៅទសវត្ស៦០ ប៉ុណ្ណោះទេ តែថែមទាំងពេញនិយម មកដល់បច្ចុប្បន្នថែមទៀត។
លោក ស៊ីន ស៊ីសាមុត និង អ្នកនាង រស់ សេរីសុទ្ធា
“គ្មានលុយមួយរៀល" ជាសំនៀងរួមគ្នា រវាងអធិរាជសម្លេងមាស លោក ស៊ីន ស៊ីសាមុត និង អ្នកនាង រស់ សេរីសុទ្ធា ។ បទនេះច្រៀងរៀបរាប់ពី ខាងប្រុសត្អូញត្អែរ ព្រោះគ្មានប្រាក់សូម្បីមួយរៀល ដើម្បីចូលស្ដីដណ្ដឹងខាងស្រី ប៉ុន្តែលោកមានតែចិត្តស្មោះ។ ក្រៅពីនោះ មួយបទទៀត ចំណងជើងថា "មានលុយមានស្នេហា" ច្រៀងដោយ លោក ស៊ិន ស៊ីសាមុត ក៏បានយកលុយមកបកស្រាយជាអត្ថន័យចម្រៀង ផងដែរ។
កញ្ញា រ៉ាប៊ី
គ្រាន់តែបទចម្រៀង "លុយ" របស់រ៉ាប៊ីចេញភ្លាម តារារូបនេះត្រូវបានគេចាប់អារម្មណ៍លើក្បាច់រាំ ច្រើនជាងអត្ថន័យបទចម្រៀង។ ក្បាច់រាំក្នុងបទនេះ ធ្វើឲ្យផ្ទុះព័ត៌មានថា តាៗស្ទើរគាំងបេះដូង ។ តែតារាចម្រៀងនៅថោន ប្រាប់ថា មិនមានចំណុចណាមួយធ្វើឲ្យតាៗទប់អារម្មណ៍មិនបាន ដល់ថ្នាក់គាំងបេះដូងឡើយ ព្រោះសម្លៀកបំពាក់ ដែលរ៉ាប៊ីស្លៀកក្នុងពេលចាក់ក្បាច់មិនខើចសិចស៊ីជ្រុលហួសហេតុពេកដល់ថ្នាក់ទទួលយកមិនបាននោះទេ។
កញ្ញា Baby
“អំណាចលុយ" ជាបទ Original Song ដែលស្រីស្អាតរូបនេះ យកមកច្រៀង ដោយមានទាំងរ៉េបថែមទៀតផង។ អាចថានេះជាស្ទីលច្រៀងថ្មីមួយរបស់តារាស្រីរូបនេះ ព្រោះកន្លងមក Baby មិនដែលច្រៀងបទមានចង្វាក់បែបនេះទេ។
កញ្ញា តី
"វាយម៉ាលុយ" របស់កញ្ញា តី ធ្វើឲ្យតារាធ្លាប់តែបង្ហាញខ្លួនលើឆាកជាអ្នករាំ មកក្លាយជាតារាចម្រៀងល្បី សម្រាប់យុវវ័យ។ បទចម្រៀងនេះ ដំបូងឡើយ កញ្ញា តី គ្រាន់លើកមកច្រៀងលេង ក្នុងន័យឌឺដង ជាមួយមិត្តភ័ក្ដិប៉ុណ្ណោះ ។ តែមិននឹកស្មានមានការគាំទ្រច្រើនពីប្រិយមិត្តអ្នកស្ដាប់យ៉ាងខ្លាំង រហូត តី ថតបទនេះចេញជា Full MV តម្រូវចិត្តប្រិយមិត្តបន្ថែមទៀត។
អ្នកនាង ទូច ស្រីល័ក្ខ
Original Song បទ "សុភមង្គលមិនមែនស្ថិតលើលុយមួយមុខ" របស់អ្នកម្ដាយកូន១ រូបនេះ បានធ្វើឲ្យមានការចាប់អារម្មណ៍យ៉ាងខ្លាំង។ មួយបទនេះ អ្នកនាងធ្លាប់ឲ្យដឹងថា មានការសម្រិតសម្រាំងខ្លាំង ហើយអត្ថន័យបទចម្រៀងវិញ ក៏ចង់ដាស់តឿន អ្នកមានគ្រួសាររួចឲ្យដឹងថា មានលុយ មិនប្រាកដថា ពិតជាសុភមង្គលនោះទេ៕
