តាមដានសកម្មភាព និងម៉ូដសម្លៀកបំពាក់ប្រពៃណីខ្មែររបស់តារាស្រី២ដួង ទៅវត្តដាក់បិណ្ឌ

2018-09-28 02:33:22
ស្ទីលតារា

2018-09-28 02:33:22
ចំនួនមតិ 0 | ចំនួនចែករំលែក 0

ចន្លោះមិនឃើញ

រដូវភ្ជុំបិណ្ឌចាប់ផ្ដើមចូលមកដល់ហើយ។ សម្រាប់មិត្តនារីៗ ទាំងឡាយមានបានត្រៀមសម្លៀកបំពាក់រួចរាល់ហើយឬនៅសម្រាប់ស្លៀកទៅវត្តនារដូវបុណ្យភ្ជុំបិណ្ឌខាងមុខនេះ?ពិសេសអាចមើលសំលៀកបំពាក់ពីតារាស្រី២ដួងរបស់យើងគឺកញ្ញា ណាក់ ស្រីណា និង កញ្ញា មាស លក្ខិណាដែលSabayនឹងបង្ហាញពីម៉ូតសម្លៀកបំពាក់បែបប្រពៃណីសម្រាប់ស្លៀកទៅទីវត្តអារាមធ្វើបុណ្យរួមគ្រឿងបរិភោគ នំនែក ផ្កាភ្ញីយកទៅប្រគេនព្រះសង្ឃដើម្បីឧទ្ទិសដល់បុព្វការីជនដែលបានចែកឋានទៅកាន់លោកខាងមុខ។ យើងគួរតែត្រៀមរៀបចំពីឥឡូវឲ្យហើយទៅ សម្លៀកបំពាក់ទៅវត្តសម្រាប់មិត្តនារីនារដូវភ្ជុំខាងមុខនេះមើលទៅស្រស់ស្អាតបែបនារីខ្មែរ ទន់ភ្លន់។

តារាម៉ូដែលកញ្ញា ណាក់ ស្រីណា (សម្លៀកបំពាក់ សំពត់ហូល ជាមួយអាវផាមួងលាយប៉ាក់រំយោលដៃ)

ដោយឡែកតាំងពីដើមរៀងមក ស្ដ្រីទាំងចាស់ទាំងក្មេងជ្រើសរើសសម្លៀកបំពាក់ព្រោះរដូវនេះជារដូវបុណ្យទាន ជាពិសេសបុណ្យភ្ជុំបិណ្ឌ ដែលជាបុណ្យប្រពៃណីខ្មែរដ៏ធំនោះ ឈានចូលមកដល់ខែនេះដើម្បីស្លៀកពាក់ទៅវត្ដ មិនថាសម្រាប់ពេលបុណ្យភ្ជុំ ឬបុណ្យទានច្រើនតែពាក់អាវប៉ាក់ពណ៌សជាមួយសំពត់បត់បែបហូល ផាមួង ។ ចាស់បុរាណលោកយល់ថាពណ៌ស គឺតំណាងឱ្យភាពស្អាត បរិសុទ្ធ គ្មានមន្ទិល គឺមានន័យថាធ្វើបុណ្យដោយចិត្ដស្មោះសបង្ហាញឱ្យឃើញពីសេចក្ដីថ្លៃថ្នូររបស់មនុស្សម្នាក់ៗផងដែរ។