- 2018-10-02 03:19:41
- ស្ទីលតារា
មិនសរសើរមិនបាន Oliva Kong ច្នៃម៉ូដចេញពីទម្រង់ល្ខោនខោល ដើរបង្ហាញ ទាក់ភ្នែកអ្នកទស្សនា
- 2018-10-02 03:19:41
- ចំនួនមតិ 0 | ចំនួនចែករំលែក 0
មិនសរសើរមិនបាន Oliva Kong ច្នៃម៉ូដចេញពីទម្រង់ល្ខោនខោល ដើរបង្ហាញ ទាក់ភ្នែកអ្នកទស្សនា
ចន្លោះមិនឃើញ
មួយឈុតពិសេសក្នុងការបង្ហាញម៉ូដ នៅកម្មវិធី "ពិព័រណ៍ឧត្ដមសិក្សា" របស់អ្នកច្នៃម៉ូដ Oliva Kong ដែលដកស្រង់ចេញពីទម្រង់ល្ខោនខោល ធ្វើឲ្យអ្នកទស្សនាចាប់អារម្មណ៍យ៉ាងខ្លាំង។
គ្រាន់តែឃើញវត្តមានរបស់អ្នកច្នៃម៉ូដជាមួយឈុតនេះ សំឡេងហ៊ោកញ្ជ្រៀវទះដៃកងរំពង បន្លឺឡើងពីអ្នកទស្សនា ធ្វើឲ្យទាក់ទាញកាន់តែខ្លាំង។ លោក Oliva Kong ប្រាប់ថា ឈុតនេះមានលក្ខណៈពិសេស ត្រង់ថា អាវពណ៌សដែលពាក់ខាងក្នុង មានរំលេចប៉ាក់ឌិនរូបក្រុងរាពណ៍ ដែលដកស្រង់ចេញពីទម្រង់ល្ខោនខោល ហើយជុំវិញកអាវ និងដៃ មានរំលេចដោយផ្ការំដួល ដែលជាផ្កាតំណាងប្រទេសខ្មែរ ។ មួយទៀត គឺក្បាច់ច្នៃលើអាវក្រៅវែងប្រៀបដូចស្បៃកូនកំលោះពេលរៀបអាពាហ៍ពិពាហ៍ ដោយបន្ថែមជាមួយក្បាច់វល្លិ៍ ស្លៀកជាមួយក្បិនខ្មែរ។
មួយឈុតនេះ អ្នកច្នៃម៉ូដមានស្រុកកំណើតនៅខេត្តពោធិ៍សាត់ប្រាប់ថា ចំណាយពេលដេរ និងប៉ាក់ឌិនអស់ពេលជាង១ខែ។ ចំពោះគំនិតរចនាម៉ូដនេះវិញ ជាការប៉ងប្រាថ្នាតាំងពីយូរមកម្ល៉េះ ដោយលោកចំណាយពេលសាកសួរពីអ្នកសិល្បៈបុរាណខ្មែរ គឺ លោក ហង់ ភូមិរ៉ា ដើម្បីឲ្យដឹងកាន់តែច្បាស់ពីទម្រង់ល្ខោនខោល ក្នុងការរចនាម៉ូដនេះ៕
រូបភាព៖ ផ្តល់សិទ្ធិដោយ Oliva Kong
