- 2018-10-03 09:10:00
- ព័ត៌មាន
ក្រុមចម្រៀងហ៊ីបហបអន្តរជាតិមួយក្រុម ចង់ឲ្យវិស័យតន្ត្រីកម្ពុជាលេចមុខលើពិភពលោក
- 2018-10-03 09:10:00
- ចំនួនមតិ 0 | ចំនួនចែករំលែក 0
ក្រុមចម្រៀងហ៊ីបហបអន្តរជាតិមួយក្រុម ចង់ឲ្យវិស័យតន្ត្រីកម្ពុជាលេចមុខលើពិភពលោក
ចន្លោះមិនឃើញ
សព្វថ្ងៃនេះវិស័យចម្រៀងនៅកម្ពុជាកាន់តែមានមានភាពរីកចម្រើនគួរឲ្យកត់សម្គាល់ ដោយក្នុងនោះតារាចម្រៀងនិងក្រុមចម្រៀងថ្មីៗចេះតែកើនចំនួននឹកស្មានមិនដល់ ក្នុងនោះក៏មានក្រុមចម្រៀងអន្តរជាតិផ្សេងៗផងដែរ ដែលបានបង្កើតឡើងនៅប្រទេសកម្ពុជា។ "Hypnotic Fist Technique” ជាក្រុមចង្វាក់ហ៊ីបហបបង្កើតនៅទីក្រុងភ្នំពេញកាលពីឆ្នាំ ២០១៦ រហូតមកដល់ពេលនេះ ពួកគេទទួលបានការចាប់អារម្មណ៍គួរឲ្យកត់សម្គាល់ពីបណ្ដាជនជាតិបរទេសរស់នៅទីក្រុងភ្នំពេញ ក៏ដូចជាបណ្ដាអ្នកស្រលាញ់វិស័យរ៉េបហ៊ីបហប។
គិតមកត្រឹមពេលនេះ HFT បានបញ្ចេញអាល់ប៊ុមដំបូងចំណងជើងថា "Golden Age the Sequel” កាលពីខែឧសភា ដែលអ្នកអាចស្ដាប់បាននៅលើកម្មវិធី Smart Music ព្រមទាំងសស្រាក់សស្រាំក្នុងការផលិតចម្រៀងផ្សេងៗសម្រាប់អាល់ប៊ុមទី២។ ក្នុងការសាកសួរពាក់ព័ន្ធនឹងគម្រោង សហការជាមួយតារាក្នុងស្រុក សមាជិកក្រុមនេះបញ្ជាក់ថាពួកគេនឹងចាប់ផ្ដើមគិតគូរពីបញ្ហានេះនៅអាល់ប៊ុមទី២ឬទី៣ ដោយអាល់ប៊ុមដំបូងពួកគេចង់ឲ្យ អ្នកស្រលាញ់វិស័យតន្ត្រីស្គាល់ HFT ឲ្យកាន់តែច្បាស់ជាមុនសិន។
ដូច្នេះបន្ទាប់ពីតារាក្នុងស្រុកបានស្គាល់ពីក្រុមចម្រៀងនេះច្បាស់ ទើបគម្រោងសហការផ្សេងៗកាន់តែមានភាពងាយស្រួល ពោលគឺច្របាច់បញ្ចូលតន្ត្រីបែបខ្មែរ ជាមួយនឹងតន្ត្រីបែបហ៊ីបហប។ អ្វីដែលសំខាន់បំផុតនោះគឺ HFT ផ្ដោតសំខាន់ទៅលើការផលិតចម្រៀងស្តង់ដារពិភពលោក ដើម្បីឲ្យគេដឹងថា ប្រទេសកម្ពុជាក៏មានអ្នកអាចផលិតចម្រៀងលំដាប់ពិភពលោកដូចគ្នា។
ឆ្លើយតបចំពោះការសាកសួរបញ្ហាតន្ត្រីក្នុងស្រុក G តំណាងក្រុម HFT បាននិយាយថាពួកគេក៏បានបង្កើតកម្មវិធីបង្ហាត់បង្រៀនខ្លះៗ ពាក់ព័ន្ធនឹងការនិពន្ធបទចម្រៀងជាភាសាខ្មែរ។ G បញ្ជាក់ថា បទចម្រៀងទាំងអស់មិនគួរផ្ដោតសំខាន់ទៅលើតែបទចម្រៀងបែបស្នេហាខូចចិត្តមួយមុខនោះទេ ចម្រៀងគួរតែផ្ដោតសំខាន់លើបញ្ហាជាច្រើនទៀត។
ក្នុងរយៈដ៏ខ្លីខាងមុខនេះ HFT នឹងចាប់ផ្ដើមតន្ត្រីទេសចរណ៍នៅប្រទេសផ្សេងៗ ដូចជាថៃនិងវៀតណាម ហើយសង្ឃឹមថាទៅថ្ងៃអនាគតនិងមានអ្នកសិល្បៈខ្មែរឬក្រុមចម្រៀងខ្មែរសហការជាមួយក្រុមចម្រៀងនេះ ដើម្បីទៅសម្ដែងរួមគ្នា។
Hypnotic Fist Technique មានសមាជិក៥រូបគឺ Michael A. Bridgett Jr ឬ Mike Dynamo មកពីសហរដ្ឋអាមេរិក Guarav Rual ឬ Initial G មកពីប្រទេសឥណ្ឌា Ian Francisco ឬ I the Mic Factor មកពីប្រទេសហ្វីលីពីន Damani Kelly ឬ Supreme Premium D មកពីចក្រភពអង់គ្លេស និង Todd Bazley ឬ Hot Toddy មកពីប្រទេស ញូវស៊ីលែន។
សមាជិកទាំង៥រូបបានជួបគ្នានៅកម្ពុជាកាលពី២ឆ្នាំកន្លះមុននៅក្នុងកម្មវិធីប្រគំតន្ត្រីផ្សេងៗ ហើយក៏ចាប់ផ្ដើម បង្កើតជាក្រុមចម្រៀងតែម្ដងនៅឆ្នាំ២០១៦។ បើយោងទៅតាម G អ្នករ៉េបនាំមុខក្រុមនេះ បានឲ្យដឹងថា HFT គឺជាក្រុមយកស្ទីលតាមចម្រៀងហ៊ីបហបជំនាន់ទសវត្សរ៍ទី៩០ ដែលជាអំឡុងពេលដែលចម្រៀងហ៊ីបហបទទួលបានការគាំទ្រយ៉ាងខ្លាំង។
បើចង់ដឹងកាន់តែច្បាស់ទស្សនាវីដេអូសម្ភាសន៍ខាងក្រោមនេះ៖
