- 2018-10-14 06:24:04
- ស្ទីលតារា
ជាតិ សុច្ចកា ពួកម៉ាក់ នីឡា ប្លែកខុសពីពេលមុន ក្រោយល្បីឈ្មោះក្នុងសិល្បៈ
- 2018-10-14 06:24:04
- ចំនួនមតិ 0 | ចំនួនចែករំលែក 0
ជាតិ សុច្ចកា ពួកម៉ាក់ នីឡា ប្លែកខុសពីពេលមុន ក្រោយល្បីឈ្មោះក្នុងសិល្បៈ
ចន្លោះមិនឃើញ
តារាសម្ដែង និងជាអតីតបេក្ខភាពក្នុងកម្មវិធី The Voice Cambodia រដូវកាលទី២ ជាតិ សុច្ចកា ដែលមហាជនស្គាល់ថាជាពួកម៉ាក់ស្និទ្ធស្នាល នីឡា ត្រូវបានគេសង្កេតឃើញថា រូបសម្រស់របស់នាងស្អាតប្លែកខុសពីពេលមុន ក្រោយល្បីឈ្មោះក្នុងវិថីសិល្បៈ។
សូម្បីតែ នីឡា ក៏ពោលសរសើរមិត្តភ័ក្ដិខ្លួនថា ស្អាតប្លែកខុសពីពេលមុនមិនដាច់ពីមាត់ផងដែរ។ ចំពោះភាពស្រស់ស្អាតប្លែកខុសពីពេលមុននេះត្រូវបាន ជាតិ សុច្ចកា ឲ្យដឹងថា នាងមិនបានទៅកែកុនសម្ផស្សនៅកន្លែងណាមួយនោះទេ។ អ្វីដែលសំខាន់គេងឲ្យបានគ្រប់គ្រាន់ ទទួលទានបន្លែផ្លែឈើដែលជំនួយដល់ស្បែកដែលមិនធ្វើឲ្យធាត់ជាដើម។
ក្រៅពីការរៀបរាប់ខាងលើនេះ ជាតិ សុច្ចកា ក៏ប្រើប្រាស់ផលិតផលថែរក្សាស្បែកមួយចំនួនដើម្បីការពារកម្ដៅថ្ងៃផងដែរ។
ជាតិ សុច្ចកា មកពីខេត្តកំពង់ចាម តែមករស់នៅភ្នំពេញតាំងពីតូច ជាកូនច្បងក្នុងគ្រួសារដែលមានបងប្អូន ២ នាក់។ ចូលប្រឡូកសិល្បៈមុនដំបូងក្នុងឆ្នាំ ២០១៦ ក្រោយប្រឡងធ្លាក់ក្នុងកម្មវិធី The Voice Cambodia រដូវកាលទី២ ។ ចំណែកឯរឿងធ្លាប់ថតកន្លងមកមានដូចជា "លេខាថ្មី" “តុក្កតាម៉ាន់នឺកាំង" “ផ្លូវទៅកាន់ភូមិ" ។ ចំពោះបទចម្រៀងវិញទើបតែចេញកាលពីពេលថ្មីៗនេះគឺ បទ "ខ្លាចបាត់រូបបង"។
រូបថត៖ផ្ដល់ឲ្យ ជាតិ សុច្ចកា
