Victoria's Secret បើកបង្ហាញម៉ូដអាវទ្រនាប់ថ្មីសម្រាប់ឆ្នាំ២០១៨ តម្លៃវិញថ្លៃបះសក់

ពុធ, 7 វិច្ឆិកា 2018 07:06
ព័ត៌មាន

ពុធ, 7 វិច្ឆិកា 2018 07:06
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីបង្ហាញម៉ូដលំដាប់អន្តរជាតិដ៏ល្បី Victoria's Secret បានវិលត្រឡប់មកបម្រើអារម្មណ៍ទស្សនិកជនរបស់ពួកគេក្នុងសហរដ្ឋអាមេរិកសាជាថ្មី ក្រោយបង្ហាញវត្តមានក្នុងប្រទេសផ្សេងកាលពី ២ ឆ្នាំកន្លងទៅ (ទីក្រុងប៉ារីស ក្នុងឆ្នាំ ២០១៦ និងទីក្រុងសៀងហៃ កាលពីឆ្នាំ២០១៧)។

ក្នុងនោះដែរ តារាម៉ូដែលសញ្ជាតិស្វីស Elsa Hosk នឹងត្រូវត្រៀមខ្លួនឲ្យដើរបង្ហាញរូបរាងរបស់នាងជាមួយអាវទ្រនាប់ប្រភេទថ្មី ដែលមានភាពសិចស៊ី ល្ហល្ហេវក្នុងកម្មវិធីដើរម៉ូដ Victoria's Secret Fashion Show ដែលនឹងត្រូវធ្វើឡើងក្នុងទីក្រុងញ៉ូយ៉ក។

អាវទ្រនាប់សម្រាប់ឆ្នាំ ២០១៨នេះដែរ មានលក្ខណៈអស្ចារ្យ និងពិសេសខ្លាំង ដោយអាវមួយនេះ ច្នៃឡើងចេញជាច្រវាក់ៗ ដែលខ្សែច្នៃដោយប្រាក់សុទ្ធ និងរូបរាងអាវទ្រនាប់ច្នៃឡើងដោយត្បូងប្រភេទ Swarovski ចំនួន ២ ១០០គ្រាប់។ អាវនេះដែរ អ្នកច្នៃម៉ូដបានចំណាយពេលជាង ៩៣០ ម៉ោង និងបើគិតពីត្បូងសរុបទាំងអស់ មានប្រហែលជាង ៧១ ការ៉ាត់។ សម្រាប់តម្លៃ អាវទ្រនាប់ដ៏ពិសេសមួយនេះ មានតម្លៃរហូតដល់ ១ លានដុល្លារឯណោះ។

គួរបញ្ជាក់ដែរថា កម្មវិធីបង្ហាញម៉ូដរបស់ Victoria's Secret នឹងប្រព្រឹត្តធ្វើឡើងនៅថ្ងៃទី ០៨ ខែវិច្ឆិកាខាងមុខនេះ ដោយចូលរួមអមដោយការប្រគំតន្ត្រីពីសំណាក់តារាចម្រៀងល្បីៗជាច្រើន ដូចជាតារាចម្រៀង Halsey, The Chainsmokers, Shawn Mendes, Rita Ora និងតារាចម្រៀងជាច្រើនផ្សេងទៀត៕

ប្រភព៖ Asiaone ប្រែសម្រួល៖ អន សុភក្ត្រា