ធ្លាប់តែស្តាប់លោក យឹង យន ច្រៀងបទចម្រៀង Cover និងបទនិពន្ធរៀបរាប់ពីរដ្ឋអាមេរិក ម្តងនេះលោកបានបញ្ចេញបទថ្មី សាច់ភ្លេងថ្មីបែបមនោសញ្ចេតនា Classic បន្តិច។

មួយបទនេះ នៅតែរក្សាទម្រង់ភ្លេងបែបខ្មែររសនិយម ឬបែប Slow Rock ដែលជាភ្លេងពេញនិយមកាលពីដើមឆ្នាំ ២០០០ ចំណងជើងថា «ហាស្តីមិនរួច»។ ចម្រៀងថ្មីនេះ ត្រូវបានផលិតឡើងដោយ ផលិតកម្ម មរតក មេឌៀ ដែលធ្លាប់ល្បីយកតន្រ្តីចម្រៀងថៃមកកាលៃ ជាបទខ្មែរ ទទួលការរិះគន់ម្តងរួចមកហើយ។

យ៉ាងណាមិញ សំឡេងចម្រៀងបែបខ្មែរប្រភេទនេះហាក់មិនសូវមានការផលិតច្រើននោះទេ តែនេះជាភាពខ្លាំងរបស់​តារាចម្រៀង យឹង យន ដែលតែងតែធ្វើឱ្យបទចាស់មានរសជាតិ និងត្រូវបានបន្លឺឡើងវិញជារឿយៗ៕

ចង់ដឹងថាបទថ្មីបែប Slow Rock «ហាស្តីមិនរួច» នេះមានអត្ថន័យ និងពីរោះឬយ៉ាងណានោះ តោះទស្សនាវិដេអូចម្រៀងខាងក្រោម៖