- 2019-01-22 02:45:00
- ស្ទីលតារា
ទូច ស្រីល័ក្ខ រកឃើញគំនិតច្នៃថ្មីប្លែក បន្ថែមលើសារុងចេញជាម៉ូដសម្លៀកបំពាក់
- 2019-01-22 02:45:00
- ចំនួនមតិ 0 | ចំនួនចែករំលែក 0
ទូច ស្រីល័ក្ខ រកឃើញគំនិតច្នៃថ្មីប្លែក បន្ថែមលើសារុងចេញជាម៉ូដសម្លៀកបំពាក់
ចន្លោះមិនឃើញ
ប្រើគំនិតយកសារុងច្នៃចេញជាសម្លៀកបំពាក់ ជាទេពកោសល្យថ្មីមួយរបស់អ្នកនាង ទូច ស្រីល័ក្ខ ដែលធ្វើឲ្យទស្សនិកជន កោតសរសើរយ៉ាងខ្លាំង។ លើសពីនេះ តារាសម្ដែង និងចម្រៀងរូបនេះ បានបន្ថែមការច្នៃប្រឌិត ដោយយកសារុងមកកាត់ជាមួយសូត្រខ្មែរ មើលទៅពិតជាប្លែក កាន់តែគួរឲ្យចាប់អារម្មណ៍។
អ្នកម្ដាយកូនមួយ ប្រាប់ថា តាមពិតការយកសារុងមកលាយជាមួយសូត្រ ជាអ្វីដែលអ្នកនាងចង់ធ្វើយូរណាស់មកហើយ ព្រោះអ្នកនាង ចង់លើកតម្កើងអ្វីដែលទាក់ទងនឹងវប្បធម៌ សិល្បៈខ្មែរ។ កាលពីមុន អ្នកនាង គ្រាន់តែយកសារុងមកច្នៃជាម៉ូដខោអាវធម្មតាៗជាមួយសាច់ក្រណាត់ប៉ុណ្ណោះ។ តែពេលនេះ ម្ចាស់បទ "បើអាច" ចង់រកអ្វីមួយប្លែក និងបង្កប់ការលើកតម្កើងសិល្បៈវប្បធម៌ខ្មែរថែមទៀត។
បើនិយាយការចំណាយវិញ តារាចម្រៀងពូកែលេងសើចរូបនេះ ប្រាប់ថា មិនសូវអស់ច្រើនប៉ុន្មានទេ ដោយមួយឈុតជួនកាល តិចជាង១០០ដុល្លារ។ សម្រាប់រយៈ ពេលកាត់ អាចចន្លោះពី២ -៣ ថ្ងៃ ដោយម៉ូដយកសារុងច្នៃជាមួយសូត្រខ្មែរ ជាគំនិតច្នៃម៉ូដផ្ទាល់របស់អ្នកនាង។
ជាក់ស្តែង ម៉ូដបែបនេះ តារាមានស្វាមីជាជនជាតិន័រវែស បានយកមកស្លៀកសម្រាប់ចូលរួមមង្គលការលោក នី រតនា រួចមកហើយ ដោយអ្នកនាង បានសរសេរថា ៖ "នេះគឺជាការច្នៃប្រឌិតរបស់ខ្ញុំ យកសារុងមកកាត់ជាមួយសូត្រខ្មែរ ពិតជាប្លែក"៕
