- 2019-02-11 04:41:34
- ព័ត៌មាន
ទីបំផុត ខាន់ ជេមស៍ បំពេញបំណងឲ្យកូនខ្មែរអាមេរិកម្នាក់បានសម្រេច
- 2019-02-11 04:41:34
- ចំនួនមតិ 0 | ចំនួនចែករំលែក 0
ទីបំផុត ខាន់ ជេមស៍ បំពេញបំណងឲ្យកូនខ្មែរអាមេរិកម្នាក់បានសម្រេច
ចន្លោះមិនឃើញ
តារាចម្រៀងលោក ខាន់ ជេមស៍ បានថ្លែងឲ្យដឹងថា ខ្លួនបានបំពេញបំណងកូនខ្មែររស់នៅសហរដ្ឋអាមេរិកហើយ ក្នុងការក្លាយជាតារាចម្រៀង ដោយបច្ចុប្បន្នកូនខ្មែរសញ្ជាតិអាមេរិករូបនោះ កំពុងតែចាប់ដៃគូរច្រៀងជាមួយលោក ធ្វើបទចម្រៀងដើម្បីវាយលុកទីផ្សារចម្រៀងនៅកម្ពុជា។
កូនខ្មែរអាមេរិកដែលលោក ខាន់ ជេមស៍ យកមកចាប់ដៃគូជាមួយក្នុងផលិតកម្មសាន់ដេនោះមានឈ្មោះឈ្មោះ មុត វ៉ៃ( Mout wei )រស់នៅរដ្ឋកាលីហ្វញ៉ា មានម្ដាយឪពុកជាខ្មែរមានកំណើតនៅខេត្តបាត់ដំបង។ តាមការបញ្ជាក់ពីម្ចាស់បទ"បុប្ផាក្រពុំ" លោក មុត វ៉ៃ គឺជាមនុស្សម្នាក់ដែលមាន ទេពកោសល្យសិល្បៈពីកំណើត ជំនាញធ្វើភ្លេង រាំ និងច្រៀងជាដើម។ ទទឹមគ្នានោះដែរ លោកក៏មានក្រុមសិល្បៈមួយក្រុម នៅសហរដ្ឋអាមេរិកផងដែរ។
លោក ខាន់ ជេមស៍ បានបន្តឲ្យដឹងថា ខ្លួនបានស្គាល់ មុត វ៉ៃ ៧ឆ្នាំមុន គ្រាទៅច្រៀងលើទឹកដីអាមេរិក ដែលលោក មុត វ៉ៃ គឺជាក្មួយម្ចាស់ស្ពុនស័រដែលធានាលោកទៅច្រៀង។
ផ្ដើមពីអ្នកគាំទ្រ ហើយមានទេពកោសល្យសិល្បៈពីកំណើតផង កូនខ្មែរកាត់អាមេរិកម្នាក់នេះ តែងតែចង់មកធ្វើ ជាអ្នកសិល្បៈនៅស្រុកខ្មែរ។ ខាន់ ជេមស៍ ថា បច្ចុប្បន្នលោកបានសាកល្បងធ្វើបទចម្រៀងជាមួយគ្នាបាន១បទហើយគឺបទ"My first love" ដែលជាបទញាក់ ច្រៀងរហូតដល់ទី៣ភាសា មានខ្មែរ អង់គ្លេស និង ថៃ។
ជាមួយនឹងបទចម្រៀង១បទនេះ ខាន់ ជេមស៍ ប្រាប់ឲ្យដឹងបន្ថែមថា ខ្លួនបាននាំដៃគូរូបនេះឡើងច្រៀង តាមកម្មវិធីប្រគំតន្ត្រីធំៗមួយចំនួនមកហើយ និងទទួលបានការគាំទ្រខ្លាំងផងដែរ។
បទ "My first love” ក៏គ្រោងនឹងផលិតជា MV ឆាប់ៗនេះផងដែរ។ ក្រៅពីការផលិតបទចម្រៀងជាមួយគ្នាជាបន្តបន្ទាប់ លោក ខាន់ ជេមស៍ បង្ហើបឲ្យដឹងថា កូនខ្មែរសញ្ជាតិអាមេរិកក៏គ្រោងនិង បង្កើតក្លឹបរាំនៅស្រុកខ្មែរ ត្បិតអីលោក គឺជាគ្រូបង្រៀនរាំ១រូបលើទឹកដីអាមេរិកផងដែរ។
ម្ចាស់បទ"សម្រែកបេះដូង" រូបនេះបានថ្លែងថា ខ្លួនពិតជាសប្បាយចិត្តខ្លាំងណាស់នៅពេលបានចាប់ដៃគូជាមួយលោក មុត វ៉ៃ និងបានបំពេញបំណងដែលកូនខ្មែរអាមេរិករូបនេះចង់បាន។
លោករំពឹងថា កិច្ចសហការនេះនិងបន្តផលិតស្នាដៃឲ្យបានច្រើនជាបន្តបន្ទាប់ទៀត ដើម្បីបម្រើអារម្មណ៍ទស្សនិកជន ទទឹមគ្នាគ្នានោះដែរ ខាន់ ជេមស៍ ក៏បានស្នើទៅទស្សនិកជនមេត្តាបន្តគាំទ្រ ពួកគេទាំងពីរ ដើម្បីជាកម្លាំងចិត្តក្នុងការផលិតបទចម្រៀងនិងស្នាដៃសិល្បៈផ្សេងៗជាបន្តបន្ទាប់ទៀត៕