- 2019-08-04 05:01:27
- ចម្រៀង
Katy Perry ត្រូវអស់ ៥៥ ម៉ឺនដុល្លារ រឿងបទ "Dark Horse” ចម្លងភ្លេងពីគេ
- 2019-08-04 05:01:27
- ចំនួនមតិ 0 | ចំនួនចែករំលែក 0
Katy Perry ត្រូវអស់ ៥៥ ម៉ឺនដុល្លារ រឿងបទ "Dark Horse” ចម្លងភ្លេងពីគេ
ចន្លោះមិនឃើញ
តុលាការបានសម្រេចថា Katy Perry និងដៃគូនិពន្ធបទចម្រៀង រួមទាំងផលិតកម្មរបស់នាងត្រូវបង់ថ្លៃសំណង ២,៨៧ លានដុល្លារ លើរឿងក្ដីបទ "Dark Horse” ដែលចេញឆ្នាំ ២០១៣ ចម្លងភ្លេងពីបទចម្រៀង "Joyful Noise” របស់តារាចម្រៀង Flame។
តាមការប្រកាសសាលក្រម Katy Perry ត្រូវបង់ថ្លៃសំណងជាង ៥៥ ម៉ឺនដុល្លារ ហើយផលិតកម្ម Captiol Records របស់នាងត្រូវបង់ ១,៣ លានដុល្លារ។ អ្នកចូលរួមផលិតបទ "Dark Horse” ចំនួន ៥ នាក់ក៏ត្រូវបង់ថ្លៃសំណងផងដែរ ដោយក្នុងនោះមាន Max Martin ត្រូវបង់ ២៥៣ ០០០ ដុល្លារ និង Dr. Luke ត្រូវបង់ ៦១ ០០០ ដុល្លារ។
គួរដឹងថាក្នុងពាក្យបណ្ដឹងម្ចាស់បទ "Joyful Noise” បានទារសំណងដល់ ២០ លានដុល្លារឯណោះ ដោយអះអាងថាបទ "Dark Horse” អាចរកចំណូលបាន ៤១ លានដុល្លារ។ ប៉ុន្តែមេធាវីការពារ Katy Perry និង Katy ផ្ទាល់និយាយថា នាងទទួលបានប្រាក់ចំណេញត្រឹម ២,៤ លានដុល្លារប៉ុណ្ណោះ ដោយសេសសល់ទាំងប៉ុន្មានត្រូវបែងចែកឲ្យទៅខាងផលិតកម្ម និងក្រុមការងារ៕
ចុចអាន ៖ "Dark Horse” របស់ Katy Perry ត្រូវតុលាការកាត់ក្ដីថាចម្លងភ្លេងពីបទផ្សេង
