បទថ្មីរបស់ វណ្ណ ចេស្ដា ថតជាមួយអតីតសមាជិក OMG ត្រៀមច្រៀងផ្ទាល់នៅថ្ងៃស្អែកនេះ

2019-08-22 09:36:37
ចម្រៀង

2019-08-22 09:36:37
ចំនួនមតិ 0 | ចំនួនចែករំលែក 0

ចន្លោះមិនឃើញ

វីដេអូចម្រៀងថ្មី «Better Goodbye» របស់តារាចម្រៀង Original វណ្ណ ចេស្ដា ដែលមានការចូលរួមសម្ដែងដោយ Mars Lee អតីតសមាជិកក្រុមរាំល្បីឈ្មោះ OMG នោះ នឹងត្រូវលើកយកមកច្រៀងបែប Acoustic នៅថ្ងៃសុក្រសប្ដាហ៍នេះហើយ។

ម្ចាស់បទ «ទៅណាទៅណី» វណ្ណ ចេស្ដា នឹងចូលមកបកស្រាយបទចម្រៀងថ្មីនេះនៅកម្មវិធី Pleng Sessions by Sabay ជាមួយបទល្បីៗជាច្រើនទៀតដូចជា "Better Goodbye" "ទៅណាទៅណី" "រៀនរស់" និង "How's Your Sleep"។

អ្វីដែលកាន់ពិសេសជាងនេះទៅទៀតនោះ អ្នកចូលរួមនឹងទទួលបានការបញ្ចុះតម្លៃ ១៥% ដោយគ្រាន់តែនិយាយពាក្យ «Sabay Pleng» រាល់ពេលទិញភេសជ្ជៈ និងចំណីអាហារនៅហាងកាហ្វេ Pleng Chan។ ក្រៅពីនោះ អ្នកក៏អាចនឹងមានឱកាសឈ្នះរង្វាន់ពីការលេងល្បែងកម្សាន្តផងដែរ។

Pleng Sessions by Sabay គឺជាកម្មវិធីជួបជុំសិល្បៈករ សិល្បៈការនីល្បីៗ ដែលពួកគាត់នឹងនាំអារម្មណ៍របស់លោកអ្នកឲ្យមានភាពសប្បាយរីករាយជាមួយនឹងតន្ត្រីបែប Acoustic។

កុំភ្លេចមកស្ដាប់តន្ត្រីពីរោះៗជាមួយ វណ្ណ ចេស្ដា ចាប់ពីម៉ោង ៧:០០ យប់តទៅ នៅថ្ងៃទី ២៣ ខែសីហា ក្នុងហាងកាហ្វេ Pleng Chan ដែលមានអាសយដ្ឋាន ផ្លូវលេខ ៦៣ សង្កាត់បឹងកេងកង ១ ខណ្ឌចំការមន រាជធានីភ្នំពេញ។

តោះ! មកស្ដាប់ វណ្ណ ចេស្ដា និយាយពី Pleng Sessions by Sabay ទាំងអស់គ្នា៖

អត្ថបទ៖ ឈឹម វិមានរ័ត្ននា