ខ្លោចចិត្តអាណិតពិភពលោកហួសថ្លែង ពេលស្ដាប់បទ Michael Jackson មួយនេះហើយ ព្រឺសម្បុរ ទឹកភ្នែកស្ទើរតែស្រក់

2020-04-17 07:07:32
ចម្រៀង

2020-04-17 07:07:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ដេចចម្រៀងប៉ុបរបស់អាមេរិក Michael Jackson ត្បិតថាចាកចោលផែនដីនេះជាច្រើនឆ្នាំហើយក្ដី ប៉ុន្តែលោកបានបន្សល់បទចម្រៀងមួយបទ ដែលបានធ្វើឲ្យមនុស្សទូទាំងពិភពលោកស្ដាប់ហើយ ព្រឺសម្បុរ និងសឹងថាទប់ទឹកភ្នែកមិនបានក្រោយឃើញស្ថានភាពពិភពលោកនាពេលបច្ចុប្បន្ន។

ពិភពលោកបាន និងកំពុងអាប់អួ ដោយផ្សែងមេរោគរបស់ Covid-19 ប៉ុន្តែ នេះមិនមែនជាគ្រោះភ័យតែមួយគត់នោះទេ ដែលបានគំរាមកំហែងពិភពលោកដ៏ស្រស់ស្អាតមួយនេះទេ ប៉ុន្តែការដុះដាលនូវមហិច្ឆតាវាតទីអំណាច ពង្រីកឥទ្ធិពលរបស់មហាអំណាចធំៗ ដែលបង្កើតឲ្យមានសង្គ្រាមបង្ហូរឈាមមនុស្សជាតិរាប់ទសវត្សរ៍មកហើយ ក៏ជាមូលហេតុដែរ ដែលមហន្តរាយមួយនេះ មិនដឹងថា វានឹងមានទីបញ្ចប់ឬក៏អត់ផង។

សង្គ្រាមដណ្ដើមឥទ្ធិពលគ្នាទាំងផ្នែកសេដ្ឋកិច្ច នយោបាយ និងសព្វាវុធនេះ បានធ្វើឲ្យមនុស្សទាំងឡាយ មិនថា ប្រុស ស្រី ចាស់ ឬកុមារយ៉ាងច្រើន បានបង់ជីវិតទាំងគ្មានកំហុស។ ផែនដីដ៏ស្រស់ស្អាត និងស្លូតបូត ប្រែជាស្រពោនដោយផ្សែង និងក្លិនឈ្ងៀមនៃគ្រាប់រំសេវ និងក្លិនឆ្អាបនៃឈាមរបស់ជនស្លូតត្រង់។

បទនោះមានចំណងជើងថា "Heal the World"។ បទចម្រៀងចេញនៅក្នុងឆ្នាំ ២០០៩ នេះ បំផុសឲ្យមនុស្សជាតិលើលោកនេះ បង្កើតឡើងមនោសញ្ចេតនា ការស្រឡាញ់មួយជាមួយគ្នា រួបរួមគ្នា ព្រោះថា មានតែអំណាចពីបេះដូងមួយនេះទេ ទើបអាចធ្វើឲ្យផែនដី បានស្ងប់សុខ និងមានពណ៌ស៊ីជម្ពូ ជាកន្លែងដ៏មនោរម្យគួរឲ្យចង់រស់នៅរបស់ពួកយើងទាំងអស់គ្នា។

បទនេះ ត្រូវបានគេយកមកចែកចាយជាថ្មីនៅលើបណ្ដាញសង្គម ដោយបញ្ចូលរូបភាពនាពេលបច្ចុប្បន្នរបស់ពិភពលោកក្នុងសម័យ ខូវីដ ១៩។ បទនេះ ត្រូវបានគេចែកចាយបន្តរាប់ម៉ឺននាក់។ "Heal the World” សំឡេងស្រាលស្រទន់ ពីរោះ រញ្ជួយអារម្មណ៍ ស្ដាប់ហើយពិតជាអាណិតពិភពលោកដ៏ស្លូតបូតរបស់យើងណាស់។ តោះ...ទស្សនា និងស្ដាប់ទាំងអស់គ្នា!