- 2020-04-30 08:52:10
- ស្ទីលតារា
ស្លៀកពាក់សាមញ្ញៗនៅផ្ទះសោះ សុខ ស្រីនាង ធ្វើឲ្យអ្នកគាំទ្រជាច្រើនរំជួលបេះដូង
- 2020-04-30 08:52:10
- ចំនួនមតិ 0 | ចំនួនចែករំលែក 0
ស្លៀកពាក់សាមញ្ញៗនៅផ្ទះសោះ សុខ ស្រីនាង ធ្វើឲ្យអ្នកគាំទ្រជាច្រើនរំជួលបេះដូង
ចន្លោះមិនឃើញ
ប្រិយមិត្តអ្នកគាំទ្ររបស់តារាចម្រៀងហង្សមាស សុខ ស្រីនាង បាន និងកំពុងពោលសរសើរមិនដាច់ពីមាត់នូវសម្រស់ស្រស់ស្អាតតាមបែបធម្មជាតិរបស់តារាស្រី ក្រោយពីពួកគេបានឃើញរូបភាពប៉ុន្មានសន្លឹករបស់នាងបង្ហោះនៅលើបណ្ដាញសង្គម។
អ្នកគាំទ្រនាងជាច្រើនសរសើរថា ស្រីនាង ពិតជាតារាស្រីម្នាក់ដែលមានសម្រស់ស្រស់ស្អាតខ្លាំងនាពេលបច្ចុប្បន្ន បើសូម្បីតែនាងមិនបានកែកុនអ្វីដើម្បីលើកសម្រស់ទាល់តែសោះ ពោលគឺពួកគេថា នាងពិតជាស្រស់ស្អាតតាមបែបធម្មជាតិតែម្ដង។ ដោយសារតែបែបនេះ មានអ្នកគាំទ្រខ្លះ ដល់ថ្នាក់ប្រាថ្នាមានពេលក្រេបស្រានៅក្រោមពន្លឺព្រះច័ន្ទដ៏សែនរ៉ូមែនទិកថែមទៀតផង។
រូបភាពដែលបាន និងកំពុងធ្វើឲ្យអ្នកគាំទ្ររំជួលបេះដូងនោះ គឺជារូបភាពតារាស្រីអង្គុយលើកៅអីផ្អែកមួយ ដែលរាងកាយ ត្រូវបានក្រាលគ្របដោយសំលៀកបំពាក់មួយឈុតមានពណ៌រូបផ្កាបែកខៀវបែបសាមញ្ញមួយដែលនាងស្លៀកនៅផ្ទះ។ ស្រីនៀង ត្រូវបានអ្នកគាំទ្រសរសើរថា មានភាពស្រស់ស្អាតស៊ីគ្នាឥតខ្ចោះជាមួយសំលៀកបំពាក់មួយឈុតនោះ។
នៅក្នុងរូបទី១ គេឃើញ ស្រីនាង អង្គុយផ្អែកខ្នងទៅកៅអី រំលេចទឹកមុខញញឹមស្រទន់ ពេញដោយមន្តស្នេហ៍មកកាន់អ្នកគាំទ្រ។ ឯរូបទី២ នាងបិទភ្នែកគេង ផ្ដេកខ្លួនលើកៅអី ធ្វើឲ្យអ្នកគាំទ្រនៅតែទប់ចិត្តមិនបានចំពោះការធ្លោយមាត់សរសើរ ពោលគឺថា សូម្បីតែគេង ក៏តារាស្រី មើលទៅស្រស់ស្អាតខ្លាំងដែរ។ គេមិនឃើញ ស្រីនាង ឆ្លើយតបបែបណាឡើយចំពោះប្រិយមិត្តដែលកំពុងរំជួលចិត្តជាមួយនាងតាមរយៈរូបប៉ុន្មានសន្លឹកនោះ។
តោះ...ទស្សនា ស្ទីលផ្ទាល់ខ្លួនរបស់ ស្រីនាង នៅផ្ទះទាំងអស់គ្នា តែហាម "លង់"!
