រលកក្រោយដុះមកបន្តបន្ទាប់ហើយ! គន់មើលសម្រស់ ស្រីស្អាត សាទីនី ដ៏ស្រស់ផូរផង់

2020-05-21 06:17:07
ស្ទីលតារា

2020-05-21 06:17:07
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនខុសពីទំពាំងរមែងដុះមកថ្មីមិនឈប់កាលណាទំពាំងមុនបានវិវត្តក្លាយជាឬស្សី គឺនៅក្នុងសិល្បៈខ្មែរបច្ចុប្បន្នមានសិល្បករ សិល្បការិនីដុះមកថ្មីហូរហែ ដូចយ៉ាងស្រីស្អាត សាទីនី ទើបនឹងប្រឡូកសិល្បៈប្រមាណជិត១ឆ្នាំប៉ុណ្ណោះ ពោរពេញដោយភាពទាក់ទាញ។

សាទីនី មានឈ្មោះដើម ឈឹម រ៉ានី វ័យ ២២ ឆ្នាំកើតនៅរាជធានីភ្នំពេញ។ កញ្ញាប្រាប់ថា តាំងពីដឹងក្ដីមក គឺនាងស្រឡាញ់សិល្បៈ ក្នុងនោះផ្នែកដើរម៉ូដ និងចម្រៀង។ យ៉ាងណា នៅពេលនេះ នាងបានសម្រេចក្ដីសុបិនទី១មុន ក្រោយទទួលបានឱកាសពីក្រុមម៉ូដែលអាជីព Perfect 10។

ស្រីស្អាត មិនទាន់មានបទពិសោធន៍សិល្បៈជោគជាំនៅឡើយ ធៀបនឹងរៀមច្បង តែយ៉ាងណានាងរំពឹងថា នាងនឹងអាចឈានដល់ជំហានសិស្សច្បងក្នុងរយៈពេលមិនយូរខាងមុខ។ បំណងរបស់នាង គឺនឹងព្យាយាមធ្វើយ៉ាងណាឲ្យខ្លួនឯងក្លាយជាតារាម៉ូដែលអាជីពមួយរូប ដោយបច្ចុប្បន្ន បាន និងកំពុងហ្វឹកហាត់ជាមួយក្រុម Perfect 10។ បន្ទាប់មកនឹងឈានទៅសម្រេចគោលដៅរបស់នាងបន្តបន្ទាប់ទៀតនាពេលខាងមុខ។

ត្បិតថា បទពិសោធន៍ការងារមិនទាន់មានច្រើន ប៉ុន្តែ សាទីនី មានអំណោយផលពីធម្មជាតិ នោះគឺសម្រស់ និងទេពកោសល្យ។ និយាយពីសម្រស់ ប្រធានក្រុម Perfect 10 លោក Phatry Derek Pan ក៏លើកឡើងថា តារាស្រីវ័យ ២២ឆ្នាំ មានសម្រស់ស្រស់ស្អាត និងមានទម្រង់មុខទាក់ទាញ សមជាតារាម៉ូដែលអាជីពមួយរូប ខណៈនាងមានទេពកោសល្យផ្នែកម៉ូដែលថែមទៀត ហើយទាំងនេះជាមូលហេតុដែលនាងត្រូវបានជ្រើសរើសចូលក្រុម។

មិនមានអ្វីនិយាយច្រើនទេ ពី សាទីនី ឥឡូវតោះ...មកទស្សនាចំណុចទាក់ទាញរបស់នាងតាមរូបភាពស្អាតៗខាងក្រោម៖