ចូលតួខ្លាំង! បុរសទួរគី Reaction បទ "ម្ដាយ" របស់ វណ្ណដា-ក្មេងខ្មែរ ដល់ហូរទឹកភ្នែកខ្លួនឯង

2020-06-10 03:21:46
ចម្រៀង

2020-06-10 03:21:46
ចំនួនមតិ 0 | ចំនួនចែករំលែក 0

ចន្លោះមិនឃើញ

បទចម្រៀងមួយបទរបស់ វណ្ណដា ជាមួយ ក្មេងខ្មែរមានចំណងជើងថា "ម្ដាយ" បាន ធ្វើឲ្យល្បីខ្លាំងទាំងនៅក្នុង និងក្រៅប្រទេស ដោយមានការយកទៅធ្វើ Reaction ពីសំណាក់ youtuber បរទេសជាច្រើន ហើយជនជាតិទួរគីម្នាក់ក្នុងចំណោមនោះ ដល់ថ្នាក់ហូរទឹកភ្នែកចំពោះបទចម្រៀងខ្មែរមួយបទនេះ។

ប៉ុន្មានឆ្នាំចុងក្រោយនេះ បទចម្រៀងខ្មែរចាប់ផ្ដើមមានការទទួលស្គាល់ច្រើននៅអន្តរជាតិ ក៏ព្រោះតែគេឃើញមានអន្តរជាតិ មានទាំងប្រទេសជិតខាង អាមេរិក អឺរ៉ុប...បានយកបទខ្មែរទៅច្រៀងតាម រាំតាម ហូរហែ ក្រៅពីនេះ ក៏មានការធ្វើ Reaction ជាច្រើនទៀត។ ដូចករណីខាងលើរបស់ Youtuber ជនជាតិទួរគីម្នាក់ឈ្មោះ Tuncay ជាឧទាហរណ៍។

Tuncay បានយកបទរបស់ខ្មែរយើងមួយបទនេះទៅធ្វើ Reaction ហើយបានពោលកោតសរសើរក្រុមចម្រៀងយុវវ័យក្មេង ពិសេសបទភ្លេងនៃចម្រៀង "ម្ដាយ" ថា ពិតជាអស្ចារ្យខ្លាំង។ បុរសបរទេស លាន់មាត់ម្ដងហើយម្ដងទៀត ថា បទចម្រៀងពិតជាអស្ចារ្យខ្លាំង ពិតជារំជួលអារម្មណ៍ខ្លាំងលើបទចម្រៀងមួយនេះមែនទែន ពោលគឺល្អទាំងសាច់ភ្លេង ទំនុកច្រៀង និងវីដេអូ។

វីដេអូចម្រៀងដែលមាន Sub Title ជាភាសាអង់គ្លេស បានបង្កភាពងាយស្រួលដល់បុរសបរទេសឆាប់យល់ពីអត្ថន័យនៃបទចម្រៀង។ ដូច្នេះហើយ គេឃើញលោកហាក់ស្លុងអារម្មណ៍ជាមួយបទចម្រៀងខ្មែរ ហើយពេលខ្លះ ប្រិយមិត្តបានឃើញ Tuncay យកដៃជូនទឹកភ្នែកម្ដងហើយម្ដងទៀត ហើយជាមួយគ្នាលោកបានបញ្ចេញសំឡេងអួលដើមកជាមួយពាក្យខ្លីថា "សុំទោស វារំជួលចិត្តណាស់!”។

បន្ថែមពីលើនេះ Tuncay បានបន្តថា បទនេះ នាំលោកឲ្យនឹកលោកឪពុករបស់លោកដែរ...យ៉ាងណាមិនដឹងថា ឪពុករបស់ youtuber រូបនេះ មានបញ្ហាអ្វីនោះទេ។ តោះ...ទៅទស្សនាសកម្មភាពរបស់បុរសទួរគីលើបទចម្រៀងខ្មែរយើងទាំងអស់គ្នា!