Fan ម្នាក់ប្រាប់ពីរឿងរំជួលចិត្តពេលជួប B.I ដោយចៃដន្យ កណ្ដាលមេឃភ្លៀង

ព្រហស្បតិ៍, 16 កក្កដា 2020 03:13
ព័ត៌មាន

ព្រហស្បតិ៍, 16 កក្កដា 2020 03:13
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ១៣ ខែកក្កដា អ្នកគាំទ្រម្នាក់បានបង្ហាញ Story លើបណ្ដាញសង្គម ហើយភ្លាមៗនោះស្រាប់តែមានការចាប់អារម្មណ៍ជាខ្លាំង។

Fan ម្នាក់នោះផ្ដើមថា «មានរឿងមិនល្អកើតឡើងចំពោះខ្ញុំជាច្រើនប៉ុន្មានថ្ងៃនេះ ដូច្នេះហើយបានជាខ្ញុំដើរចេញមកក្រៅ និងជិះដើរលេងជាមួយពួកម៉ាកខ្ញុំ»។ នាងក៏បានបញ្ជាក់ដែរថា នាងបានជិះលេងជុំវិញតំបន់ Gimpo ហើយពេលនោះក៏បានជួប B.I។

ភ្លាមៗ ពេលនាងឃើញ B.I នាងក៏បានចុះពីឡាន ទាំងមេឃកំពុងភ្លៀង ហើយរត់ទៅរក B.I ដើម្បីទៅមើលឲ្យច្បាស់ថាជា B.I មែន ឬក៏អត់?

នាងបន្ត៖ «Hanbin បាននិយាយមកកាន់ខ្ញុំថា ខ្ញុំអាចនឹងឈឺ បើត្រូវទឹកភ្លៀង ហើយគាត់ក៏បានឲ្យឆ័ត្រមកខ្ញុំ។ ខ្ញុំប្រកែកមិនយកដែរ ហើយនិយាយថាខ្ញុំអត់អីទេ តែគាត់នៅតែនិយាយថា ខ្ញុំគួរតែទទួលទៅ»។ អ្នកគាំទ្រម្នាក់នោះក៏បានបន្ថែមថា ពេលនោះនាងមិនអាចទប់ទឹកភ្នែកជាប់ នៅចំពោះមុខ B.I ទេ ដោយសារតែរំភើបពេក។

នាងថា មុន B.I ដើរចេញទៅឆ្ងាយ លោកនៅឆ្លៀតប្រាប់ថា នាងមិនគួរយំទេ ហើយថែមទាំងសុំទោស ហើយជូនពរនាងឲ្យមានសុវត្ថិភាពទៀត។

ងាកចូលរូបដែលនាងបង្ហោះលើ Story វិញគឺ រូបឆ័ត្រ និងរូប B.I ពីក្រោយ៕

ប្រភព៖ kstarlive ប្រែសម្រួល៖ យី សុធារី