- 2020-07-27 03:07:15
- ព័ត៌មាន
ត្រៀមៗ! BTS ប្រកាសថានឹងមានបទថ្មីធ្វើជាពិសេស ចេញឆាប់ៗនេះ
- 2020-07-27 03:07:15
- ចំនួនមតិ 0 | ចំនួនចែករំលែក 0
ត្រៀមៗ! BTS ប្រកាសថានឹងមានបទថ្មីធ្វើជាពិសេស ចេញឆាប់ៗនេះ
ចន្លោះមិនឃើញ
អំឡុងពេលផ្សាយសម្លេងជជែកគ្នាពីនេះពីនោះ សមាជិក BTS បានបង្ហើបតម្រុយជាច្រើន ជាបញ្ជាក់ពីការចេញបទថ្មីឆាប់ៗនេះ។
យោងតាមការបង្ហើបនោះ បានឲ្យដឹងថាបទថ្មីអាចនឹងត្រូវចេញថ្ងៃទី ២១ ខែសីហា ឆ្នាំ ២០២០។ RM បាននិយាយថា BTS ចង់បង្ហាញការគាំទ្រទៅដល់អ្នកគាំទ្ររបស់ក្រុមទាំងអស់ (ARMY) ដែលត្រូវជំនះឧបសគ្គ និងការលំបាកផ្សេងៗនៅក្នុងសម័យកូវីដនេះ។ ដោយហេតុនេះហើយបានជាក្រុមគិតគ្នាថា គ្រោងចេញបទថ្មីក្នុងខែសីហាខាងមុខ។
J-Hope វិញ ក៏បានបញ្ចេញយោបល់ដែរថា បទថ្មីនោះគឺជាបទបែបសប្បាយៗ ដូច «Mic Drop» និង «Waste It On Me» ដែរ ហើយលោកក៏ឆ្លៀតបន្ថែមដែរថា នោះគឺជាបទច្រៀងជាភាសាអង់គ្លេស។
ចូលដល់ Jimin វិញនិយាយថា «វាជាការពិត ដែលយើងទាំងអស់គ្នាមានអារម្មណ៍ថាតែលតោលណាស់ ស្របពេលគម្រោងរបស់យើងមានច្រើន តែត្រូវអាក់ខានមិនបានធ្វើ ដោយសារស្ថានភាពពិភពលោកសព្វថ្ងៃ។ ដូចនេះយើងជឿថាបទថ្មីនឹងអាចនាំនូវកម្លាំងដល់អ្នកស្ដាប់»។
«បទថ្មីគឺជាបទបែបសប្បាយៗ និងផ្ដល់នូវថាមពលផ្លូវចិត្តខ្លាំងបំផុត។ យើងសង្ឃឹមថាវានឹងអាចជួយ ARMY ឲ្យមានអារម្មណ៍ថាមានកម្លាំង ស្រស់ស្រាយឡើងវិញ! ហើយក៏សង្ឃឹមថា ARMY នឹងចូលចិត្ត»។ នេះជាការលើកឡើងរបស់ Jungkook៕