- 2020-08-10 02:56:22
- ចម្រៀង
ខាន់ ជេមស៍ ជួបឧបសគ្គស្ទើរទៅមុខមិនរួច ពេលថត MV មួយនេះ!
- 2020-08-10 02:56:22
- ចំនួនមតិ 0 | ចំនួនចែករំលែក 0
ខាន់ ជេមស៍ ជួបឧបសគ្គស្ទើរទៅមុខមិនរួច ពេលថត MV មួយនេះ!
ចន្លោះមិនឃើញ
តារាចម្រៀងល្បីឈ្មោះប្រចាំផលិតកម្មសាន់ដេ លោក ខាន់ ជេមស៍ បង្ហើបថា MV មួយបទដែលគ្រោងចេញជាផ្លូវការនៅពាក់កណ្ដាលខែសីហា ឆ្នាំ២០២០ នេះ គឺជាប្រភេទ MV លំបាកផលិតបំផុត ព្រោះរូបលោក និងក្រុមការងារត្រូវចំណាយពេលថតរហូតដល់១ខែ ហើយជួបឧបសគ្គច្រើនបំផុតមិនធ្លាប់មានក្នុងអាជីពរបស់លោក។
លោក ខាន់ ជេមស៍ បន្ថែមថា បទ”កុំក្រយូរពេក”ដែលច្រៀងដោយរូបលោកផ្ទាល់ និងមានការចូលរួមសម្ដែងដោយលោកសាស្ត្រាចារ្យ ឱម សេងបូរ៉ា ជាប្រភេទបទអប់រំផ្លូវចិត្ត ឬលើកទឹកចិត្តមនុស្សដែលបាក់ទឹកចិត្តធ្ងន់ធ្ងរ។
យោងតាមវីដេអូឃ្លីបខ្លីដែលសង្ខេបខ្លឹមសាររួម នៃបទចម្រៀងនេះ បានបង្ហាញថា តារាម្នាក់បានផុងខ្លួនចូលក្នុងអំពើអបាយមុខដោយញៀននឹងល្បែងស៊ីសង ផឹកស៊ី ស្រីញីអូនបង រហូតដល់ធ្លាក់ខ្លួនតោកយ៉ាកលែងមានគេរាប់រក។ ចុងក្រោយតារាដែលវក់នឹងល្បែង និងស្រីញីនោះ ក៏ភ្ញាក់រលឹកកែខ្លួនឡើងវិញ។
បច្ចុប្បន្នបទនេះមិនទាន់ថតចប់សព្វគ្រប់នៅឡើយ ព្រោះទីតាំងថតមានច្រើនកន្លែង និងឈុតឆាកលំបាកៗ។ លោកខាន់ ជេមស៍ បានលើកឧទាហរណ៍មួយក្នុងចំណោមឧបសគ្គជាច្រើនក្នុងការថតបទនេះ គឺរូបលោក និងក្រុមការងារធ្លាប់ជាប់គាំងនៅលើកោះរ៉ុង ខេត្ដព្រះសីហនុ អស់រយៈពេល៥ថ្ងៃ។ បើទោះបីជាមានឧបសគ្គច្រើនយ៉ាងណា តារាចម្រៀងរូបនេះសង្ឃឹមថា MV របស់លោក នឹងចេញជាផ្លូវការនៅពាក់កណ្ដាលខែសីហា នេះ៕
