ស្ដេចញ៉ាំយប់! សុភ័ក្ដ្រ កុសមា ចាប់ផ្ដើមស្រកគីឡូហើយ ក្រោយមានអ្នកជំនិតនៅពីក្រោយ

2020-10-12 09:38:31
ព័ត៌មាន

2020-10-12 09:38:31
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង និងជាពិធីការិនី សុភ័ក្ដ្រ កុសមា ដែលហៅខ្លួនឯងថាជា"ស្ដេចញ៉ាំយប់" បានអួតគេឯងថា ពេលនេះនាងទទួលបានជោគជ័យយ៉ាងសម្បើមក្នុងការសម្រកទម្ងន់ ក្រោយពីហ្វឹកហាត់ និងតមអាហារពេលយប់បានជាង១ខែ ពោលគឺចាប់ផ្ដើមអនុវត្ដតាំងពីថ្ងៃទី២៥ ខែសីហា ឆ្នាំ២០២០ មកដល់បច្ចុប្បន្ន។

កុសមា បានទម្លាយរឿងសម្រកទម្ងន់នេះតាមរយៈបណ្ដាញសង្គម Instagram កាលពីថ្ងៃម្សិលមិញថា រយៈពេល១ខែ នៃការហាត់ប្រាណត្រឹមតែ១៦ថ្ងៃ ឬ១សប្ដាហ៍ហាត់តែ៤ថ្ងៃ ជាមួយនឹងការតមអាហារ ឃើញថាគីឡូចាប់ផ្ដើមស្រកចុះមិនខកបំណងឡើយ។ កន្លងទៅ នាងមិនព្រមហាត់ គឺដោយសារតែពេលហាត់ម្ដងៗ នាងចេះតែឈឺក្បាល វិលមុខ និងរកកល់ក្អួត ប៉ុន្តែដល់ពេលទទួលបានលទ្ធផលលឿនដូច្នេះនាងថាត្រូវតែជម្នះវាឲ្យបាន។

សុភ័ក្ដ្រ កុសម៉ា៖”តិចថារាងអូនអ្នកប្រមឹកអីទៅ មិនមែនទេចា គឺស្ដេចហូបយប់។ មើលបានហាមសើចក្បាលពោះគេ”។

តារាចម្រៀងមាឌដំបង និងមានក្បាលពោះ កុសមា មិនបានបញ្ជាក់ថា បច្ចុប្បន្ននាងមានទម្ងន់ប៉ុន្មានគីឡូក្រាម ហើយបានស្រកទម្ងន់ពីប៉ុន្មានមកប៉ុន្មានគីឡូក្រាម ក្រោយពេលហាត់នោះទេ។ នាងគ្រាន់តែបង្ហើបថា អ្នកនៅពីក្រោយភាពជោគជ័យនេះ គឺមានគ្រូម្នាក់ដែលជួយបង្ហាត់ និងលើកទឹកចិត្ដដល់នាង ដែលនាងហៅលោកគ្រូនោះថា"Dumbbell_sa “។ នាងថា លោកគ្រូតែងតែបង្ហាត់នាងដោយបេះដូង ប្រាប់ពីគន្លឹះល្អៗ ហើយលោកគ្រូមានទឹកចិត្ដទូលាយ ដោយមិនចេះខឹងនាង បើទោះបីជានាងដូរម៉ោងហ្វឹកហាត់ច្រើនដងក៏ដោយ៕

អត្ថបទ៖ ជិន សុភ័ក្ដ្រ