BLACKPINK ឆ្លើយយ៉ាងណាពេលគេហៅក្រុមថា “The Biggest Girl Group In The World”?

2020-12-10 05:30:00
ព័ត៌មាន

2020-12-10 05:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមចម្រៀងនារីដ៏មានឥទ្ធិពលប្រចាំ K-Pop គឺ BLACKPINK បានបំបែកកំណត់ត្រាជាច្រើននាពេលកន្លងមកនេះ ចាប់តាំងពីពួកគេបានចេញមុខជាផ្លូវការកាលពីឆ្នាំ ២០១៦។ ប៉ុន្តែបើគិតចាប់ពីពេលពួកគេ Comeback ជាលើកចុងក្រោយនៅឆ្នាំ ២០២០នេះ ក្រុមបានបង្កើតប្រវត្តិសាស្ត្រអស្ចារ្យជាច្រើន រហូតមានឈ្មោះក្លាយជាក្រុមចម្រៀងនារីកូរ៉េដំបូងដែលមានមុខលើតំណែងកំពូលប្រចាំតារាង Billoard Artist 100។

ដោយសារតែល្បីខ្លាំងបែបនេះហើយបានជា BLACKPINK ត្រូវទទួលងារថាជា «The Biggest Girl Group In The World ហើយថ្មីៗពួកគេក៏បានផ្ដល់បទសម្ភាសទាក់ទងនឹងអ្វីដែលពួកគេទទួលបានជាមួយនឹង Hugh McIntyre របស់ទស្សនាវដ្ដី Forbes ដែរ។

ក្រុមការងារបានសួរថា៖ «ខ្ញុំតែងសំដៅដល់ BLACKPINK ជាក្រុមនារីធំជាងគេក្នងពិភពលោក។ តើងារនេះអ្នកពេញចិត្តទេ? ហើយអ្នកគិតថាវាគួរឲ្យខ្លាចទេ? និងគិតយ៉ាងណាដែរពេលបានងារនេះ?»

Jennie បាននិយាយថា៖ «ដំបូង ពួកយើងពិតជាមានកិត្តិយសខ្លាំងណាស់ដែលបានទទួលងារថាជាក្រុមនារីធំជាងគេ ព្រោះក៏ចាប់ផ្ដើមចង់បានបែបនេះដែរ»។

បន្ថែមពីលើនោះ Jennie ដែលជាអ្នកឆ្លើយតំណាងក្រុមបានលើកឡើងថា ក្រុមហាក់ដូចជាមានសម្ពាធបន្តិច ក៏ដូចជាត្រូវមានទំនួលខុសត្រូវខ្ពស់ជាងមុនទៀត ព្រោះឈ្មោះនេះមានតម្លៃធំធេងណាស់ និងកើតចេញពីការគាំទ្រ ការស្រឡាញ់របស់មនុស្សជាច្រើនដែលផ្ដល់ឲ្យពួកគេ។ ក្រុមសន្យានឹងបន្តបង្ហាញភាពអស្ចារ្យដល់អ្នកគាំទ្រ។ មួយវិញទៀត ពួកគេក៏សប្បាយចិត្តខ្លាំងដែរ សម្រាប់អ្វីគ្រប់យ៉ាងដែលមនុស្សទូទាំងពិភពលោកយល់ពីពួកគេ ហើយវាពិតជាផ្ដល់នូវកម្លាំងចិត្តធំណាស់ដល់អ្នកទាំង ៤៕

ប្រភព៖ Koreaboo ប្រែសម្រួល៖ យី សុធារី