/60470d27e7ce1_1615269120_medium.jpg)
- 2021-03-09 05:55:48
- ព័ត៌មាន
ប្អូនប្រុស ណុប បាយ៉ារិទ្ធ ចេញមកបញ្ជាក់ពីស្ថានភាពរបស់បងលោក ក្រោយគេសង្ស័យថាឆ្លងជំងឺកូវីដ-១៩
- 2021-03-09 05:55:48
- ចំនួនមតិ 0 | ចំនួនចែករំលែក 0
ប្អូនប្រុស ណុប បាយ៉ារិទ្ធ ចេញមកបញ្ជាក់ពីស្ថានភាពរបស់បងលោក ក្រោយគេសង្ស័យថាឆ្លងជំងឺកូវីដ-១៩
ចន្លោះមិនឃើញ
ខណៈដែលតារាចម្រៀងប្រុសរបស់ផលិតកម្មរស្មីហង្សមាស ណុប បាយ៉ារិទ្ធ រង់ចាំលទ្ធផលធ្វើតេស្តជំងឺកូវីដ-១៩ ក្រោយពីគ្រូពេទ្យជំនាញយកសំណាករួច ស្រាប់តែនៅថ្ងៃទី៩ ខែមីនា នេះប្អូនប្រុសរបស់តារាចម្រៀងរូបនេះចេញមុខមកបញ្ជាក់ថា បងប្រុសរបស់លោកគឺលោកណុប បាយ៉ារិទ្ធ មិនទាន់ត្រូវបានគ្រូពេទ្យវិនិច្ឆ័យថាបានឆ្លង ឬមិនឆ្លងជំងឺកូវីដ-១៩ នៅឡើយទេ ព្រោះលទ្ធផលពីមន្ទីរពិសោធន៍មិនទាន់ចេញ។
ម្ចាស់Facebook ឈ្មោះ អ៊ីនុ ណុប ដែលគេស្គាល់ថាជាប្អូនប្រុសរបស់តារាចម្រៀង ណុប បាយ៉ារិទ្ធ បញ្ជាក់ថា បងប្រុសលោក គឺលោក ណុប បាយ៉ារិទ្ធ និងក្រុមគ្រួសារទាំងអស់ គឺអត់បាននៅផ្ទះជាមួយគ្នាទេ៖"មានន័យថា គាត់មានផ្ទះផ្ទាល់ខ្លួន គឺម៉ាក់ ប៉ា មានផ្ទះរៀងៗខ្លួនទាំងអស់ អីចឹងពុំមានការប្រាស្រ័យទាក់ទងគ្នាក្នុងអំឡុងពេលថ្មីៗនេះឡើយ"។
តារាចម្រៀងលោក ណុប បាយ៉ារិទ្ធ ត្រូវបានគ្រូពេទ្យជំនាញយកវត្ថុសំណាក ដើម្បីវិភាគរកមើលជំងឺកូវីដ-១៩ ក្រោយពីពិធីការិនីល្បីឈ្មោះប្រចាំផលិតកម្មរស្មីហង្ស មាស គឺអ្នកនាង កែវ ច័ន្ទនិមល និងផលិតករម្នាក់ គឺលោក អ៊ិន ទីតូ ត្រូវបានគេរកឃើញថាមានវិជ្ជមានជំងឺកូវីដ-១៩ កាលពីថ្ងៃម្សិលមិញ។ ទន្ទឹមគ្នានេះ តារាចម្រៀង និងបុគ្គលិកខ្លះដែលជាប់ពាក់ព័ន្ធករណីនេះក៏កំពុងស្ថិតនៅដំណាក់កាលតាមដានខ្ពស់ នៃការឆ្លងជំងឺកូវីដ-១៩ ដែរ៕
